Iyi gahunda igamije gutuma ibikoresho nka iPhone, Mac n’ibindi bicuruzwa byayo bigera ku bantu ku giciro cyoroheje, mu gihe ibiciro by’ibikoresho by’ikoranabuhanga bikomeje kuzamuka.

Apple yafatanyije n’ikigo gifasha mu kwishyura cya Klarna muri iyi gahunda. Iyi gahunda izatangira kuboneka muri Leta Zunze Ubumwe za Amerika guhera ku wa Kabiri, ikazajya ikoreshwa mu maduka ya Apple, kuri internet ndetse no kuri porogaramu ya Apple Store.

iPhone na Apple Watch bizajya bikodeshwa mu gihe cy’amezi 12 cyangwa 24, mu gihe Mac na iPad bizajye bikodeshwa amezi 24 cyangwa 36.

Ibikoresho byemerewe gukodeshwa birimo, iPhone 17 lineup, iPhone Air, Apple Watch Series 11, Apple Watch, Ultra 3, MacBook Air, MacBook Pro, iMac, Mac Studio, iPad Air, iPad Pro na iPad Mini.

Ibicuruzwa bya Apple bihendutse kurusha ibindi, nka iPhone 16, MacBook Neo, iPad isanzwe ndetse na Apple Watch SE, ntabwo biri muri iyi gahunda.

Iyi gahunda nshya yo gukodesha isimbura gahunda ya iPhone Upgrade Program, yemereraga abakiliya guhindurirwa telefone zabo nyuma yo kwishyura amafaranga y’amezi 12 y’igiciro cy’inshya bashaka.

Uburyo buhendutse ni ubwo gukodesha iPhone aho ukodesha azajya atanga i 17.99$ buri kwezi, mu gihe gahunda yo guhindurirwa telefone ugahabwa iri hejuru yayo (iPhone Upgrade Program) itangirira hafi ku 42$ buri kwezi, nk’uko bigaragara ku rubuga rwa Apple.

Apple igiye gutangiza uburyo bwo gukodesha ibikoresho byayo