Muri iki gihe, iki ni ikibazo cyugarije ibigo byinshi cyane ifite abakozi bakora bifashishije iya kure, ku buryo ibi bigo bikomeje guhombywa akayabo n’abamamyi.

Mu ntangiriro za 2024, sosiyete imwe yahombye miliyoni 25$ nyuma y’uko umukozi wayo yashutswe akohereza amafaranga, abeshywe n’abakoresheje amashusho mahimbano asa neza neza n’ay’abakozi bakorana.

Mu gihembwe cya mbere cyonyine cy’umwaka ushize, ibihombo byose ibigo by’ubucuruzi byagize kubera ubu buriganya byarenze miliyoni 200$; impuzandengo y’igihombo ku kigo kimwe irenga ibihumbi 500$.

Kubera ko amashusho mahimbano asigaye asa n’ay’ukuri ku buryo uburyo bwa kera bwo gucunga umutekano butakibasha kuyatahura, ni yo mpamvu Zoom iri gushaka kwifashisha ubunararibonye n’ikoranabuhanga rishya rya World.

Iri koranabuhanga rigenzura ibintu bitatu byihariye kugira ngo ryemeze ko umuntu uri mu nama ari umuntu nyawe.

Buhuza ishusho igaragara mu nama iri kuba imbonankubone [live video frame], isura igaragara mu gihe nyacyo [real-time face scan], n’ifoto yemewe yafashwe igihe umuntu yiyandikishaga ku rubuga runaka, hakarebwa niba bihura.

Iyo ibyo bintu byose uko ari bitatu bihuye, iyo konti ihabwa ikimenyetso cyemeza ko ari iy’umuntu nyawe [verified badge].

Abateguye inama bashobora gusaba abantu kubanza kunyura muri ubu buryo mbere yo kubemerera kwinjira mu nama, cyangwa bagasaba ko umuntu asuzumwa isura mu gihe inama iri kuba.

Iri koranabuhanga rya sosiyete ya World rigiye no gukoreshwa ku zindi mbuga nka Tinder ndetse na Visa.

Abifashisha amashusho mpimbano ya ‘AI’ kuri Zoom biriwe bataraye