Umwaka wa 2020 ushobora guca agahigo ko kugira ubushyuhe kurusha indi

Yanditswe na Umwali Zhuri
Kuya 28 Mata 2020 saa 02:59
Yasuwe :
0 0

Abahanga mu bumenyi bw’ikirere bagaragaje ko uyu mwaka ushobora kuzaca agahigo ko kuba umwaka waranzwe n’ubushyuhe bwinshi kurusha indi aho kugeza ubu igipimo cyerekana ko ibi bishoboka ku kigero cya 75%.

Ibi byatuma 2020 ica agahigo kari karagiyeho mu myaka ine ishize katumaga 2016 ariwo mwaka waranzwe n’ubushyuhe bwinshi.

Nubwo gufunga ibikorwa hirya no hino ku Isi byatumye ikirere gihumeka kubera ko byinshi mu bitera ubushyuhe byahagaze, abahanga bavuga ko ibi bitatumye Isi ikonja.

Ubushyuhe bwinshi bwatangiye guturuka muri Antarctique kuva muri Mutarama. Abahanga bo muri Leta Zunze Ubumwe za Amerika bagaragaza ko ibi bituma nibura hari amahirwe angana na 75% ko Isi izashyuha cyane.

Mutarama uyu mwaka yaciye agahigo mu kugira ubushyuhe buri hejuru bituma ibihugu bimwe byo mu Burayi bisigara nta rubura kandi ubusanzwe biruhorana.

Bwa mbere mu majyepfo y’umugabane wa Antarctique, hagaragaye ubushyuhe bwinshi muri Gashyantare kuko bwarenze dogere celicius 20.

Mu gihembwe cya mbere cy’uyu mwaka, ubushyuhe mu Burasirazuba bw’u Burayi no muri Aziya, bwarenze ikigero cyari gisanzwe kuko bwiyongereyeho dogere celicius eshatu.

Ku wa Gatanu ushize, mu bice bitandukanye bya Los Angeles hagaragaye ubushyuhe buri hejuru y’ubwari busanzwe kuko bwageze kuri dogere celcius 34.

Ubushyuhe bukomeje kwiyongera ku Isi muri iki gihe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .