Ni igikorwa yakoze ku wa 30 Werurwe 2025, cyahuriyemo abakunzi b’ibihangano by’ubugeni no guhanga imideli.

Ati “Ni igitekerezo nahuje n’ubuzima bwanjye. Data yakunze kudukundisha u Rwanda kuva mu buto. Rero nahereye kuri ibyo bihe byo mu buto mbwirwa amateka y’u Rwanda kugeza none nsanga nta yindi nyito nayiha usibye "My Rwanda".

“Iyo urebye mvuga u Rwanda rwa mbere y’abakoloni, nkaruvuga mu gihe cy’abakoloni, ibihe bikomeye bya Jenoside yakorewe Abatutsi rwanyuzemo, kwibohora ndetse n’u Rwanda rw’ubu.”

Mu bishushanyo bigaragaza ibihe bya mbere y’abakoloni harimo bitatu gusa, birimo icyo yise ‘Nkubito y’Imanzi’ kigaragaza ubutwari bw’Abanyarwanda mbere y’abakoloni, icyo yise ‘Ikotaniro’ kigaragaza uko abantu bahuraga bagatarama n’icyo yise ‘Ishyo’ kigaragaza inka nk’ubutunzi bw’Abanyarwanda bo mu bihe bya kera.

Mu biranga igihe cy’ubukoloni harimo icyo yise ‘Jeopardy’ kigaragaza inama yo kugabana Afurika yabereye i Berlin mu Budage mu 1884-1885 n’ingaruka zayo, ikigaragaza ubucakara n’ingaruka bwagize ku Banyafurika n’ibindi bigaragara ku yandi mateka y’u Rwanda n’uburyo Abanyarwanda bashobora kubaka igihugu.

Uretse ibishushanyo by’ubugeni, Mbanzabugabo yanakoze imyambaro irimo imipira y’imbeho n’iy’amaboko magufi, yandikaho amagambo yagiye avugwa na Perezida Kagame n’andi aha ubutumwa butandukanye Abanyarwanda.

Ibi bishushanyo n’imyambaro uyu mugabo yamuritse biri kugurishirizwa i Remera aho asanzwe akorera na Kacyiru mu Mujyi wa Kigali.

Yakoze ibihangano bisobanura amateka y'u Rwanda mu bihe bitandukanye

Mbanzabugabo yasobanuye ko ibi bihangano binavuga amateka mbere y'uko abakoloni bagera mu Rwanda

Buri wese ubishatse mu bari bahari yasobanurirwaga ibikubiye muri buri gihangano

Yanatunganyije imyambaro iriho amwe mu magambo Perezida Kagame yavuze

Abitabiriye iki gikorwa bageragezaga ibishoboka ngo basigarane urwibutso rw'ibyahabereye

Amafoto: Daniella Gahimbare