U Rwanda mu bihugu 10 byitabiriye Iserukiramuco mpuzamahanga ry’i Burundi

Yanditswe na

IGIHE

Kuya 3 Ukuboza 2014 saa 06:00
Yasuwe :
0 0

Abanyarwanda bane batoranyijwe berekana iby’imideli berekeje i Bujumbura mu Burundi mu iserukiramuco ngarukamwaka rya “Burundi International Fashion Night” rizaba kuwa 5 Ukuboza 2014, rikabera ahitwa Garage TOYOTA.
Iri serukiramuco rigiye kuba ku nshuro yaryo ya gatatu ritegurwa na Agence Esther iyoborwa n’uwitwa Davy Carmel Ingabire.
Uretse u Burundi n’u Rwanda, uyu mwaka iri serukiramuco rizitabirwa n’abamurika imideli baturutse mu bihugu bya Kenya, u Buhinde, Uganda, Repubulika Iharanira (...)

Abanyarwanda bane batoranyijwe berekana iby’imideli berekeje i Bujumbura mu Burundi mu iserukiramuco ngarukamwaka rya “Burundi International Fashion Night” rizaba kuwa 5 Ukuboza 2014, rikabera ahitwa Garage TOYOTA.

Iri serukiramuco rigiye kuba ku nshuro yaryo ya gatatu ritegurwa na Agence Esther iyoborwa n’uwitwa Davy Carmel Ingabire.

Uretse u Burundi n’u Rwanda, uyu mwaka iri serukiramuco rizitabirwa n’abamurika imideli baturutse mu bihugu bya Kenya, u Buhinde, Uganda, Repubulika Iharanira Demokarasi ya Congo, Mali, Ivory Coast, Sudani y’Epfo n’ibindi.

Hazagaragaramo kandi umuhanzi uzwi mu byo kumurika imideli w’Umurundi uba mu Buholandi witwa Ornella Ngingo, uyu akaba amaze kwigaragaza mu ruhando mpuzamahanga.

Dgma, umunyarwanda usanzwe umurika imideli uri mu baserukiye u Rwanda muri iri serukiramuco, aganira na IGIHE yavuze ko bamaze kugera amahoro ahazabera iri serukiramuco. Yavuze ko biteguye guhesha ishema u Rwanda, bakazerekana umuco nyarwanda binyuze mu kwerekana imideli.

Yagize ati “tuzagaragaza neza igihugu tukerekana imyambarire yateguwe n’abahanzi b’imideli, by’umwihariko iyihariye ifite byinshi isobanuye ku mico gakondo yacu, kandi tuzaserukira igihugu uko bikwiye tugiheshe ishema”.

Ibi birori bizabera Garage TOYOTA bizatangira isaha ya saa moya z’umugoroba (7pm), aho kwinjira ari amarundi 25.000BIF ni ukuvuga amafaranga 11,000 y’Amanyarwanda.

Ornella Ngingo, umunyamideli w'Umurundikazi umaze kwigaragaza mu ruhando mpuzamahanga mu by'imideli
Bamwe mu bamurika imideli b'Abarundi bazagaragara muri iri serukiramuco
U Burundi mu kwigaragaza mu ruhando rw'ibijyanye n'imideli, kuri iyi nshuro rugiye guhuriza abanyamideli baturutse mu bihugu binyuranye bya Afurika muri "Burundi International Fashion Night”
Bamwe mu basore b'intarumikwa bazagaragara muri iri serukiramuco ry'i Burundi
Davy Carmel Ingabire, umuyobozi wa Agence Esther yateguye iri serukiramuco

<

Ingabire hamwe n'umwe mu basore b'ibigango bifotoje mu buryo bwo kwerekana imyambaro igezweho
Uyu Ornella Ngingo niwe uzaba ari umushyitsi mukuru muri iri serukiramuco
Umurundikazi Ornella Ngingo wamamaye cyane mu byo kumurika imideli ku ruhando mpuzamahanga
Bamwe mu bakobwa ba Agence Esther bamurika imideli mu maserukiramuco yabanje
Ornella Ngingo Umurundikazi uba mu Buholandi
Imwe mu mideli iherutse kwerekanwa mu maserukiramuco yabanje
Iri serukiramuco rizagaragaramo ibihugu bya Kenya, u Buhinde, Uganda, Rwanda, Repubulika Iharanira Demokarasi ya Congo, Mali, Ivory Coast, Sudani y’Epfo, u Burundi n'u Rwanda
Iserukiramuco Mpuzamahanga ryo kumurika imideli mu Burundi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .