00:00:00 IGIHE NETWORK KN KINYARWANDA EN ENGLISH FR FRANCAIS

Abanyarwanda barebererwa na Ambasade yo muri Nigeria batanze miliyoni 7,9 Frw yo kunganira Mutuelle de Santé

Yanditswe na Rosine Ingabire
Kuya 3 Ukuboza 2021 saa 05:58
Yasuwe :

Abanyarwanda batuye mu bihugu Ambasade y’u Rwanda muri Nigeria ishinzwe aribyo Nigeria, Niger, Burkina Faso na Tchad bakusanyije inkunga yo gufasha abanyarwanda batishoboye kwishyura ubwisungane mu kwivuza, “Mutuelle de Santé”.

Iyo nkunga yakusanyinwe ingana na 7.995.000 Frw. Igitekerezo cyo gukusanya iyi nkunga cyakomotse ku gikorwa cyabaye muri Kanama uyu mwaka cyo kwizihiza Umuganura, cyahuje ubuyobozi bwa Ambasade n’Abanyarwanda baba muri ibyo bihugu.

Abitabiriye umuganura wa 2021 bihaye umuhigo wo guhuza imbaraga bagakusanya inkunga yo gufasha Abanyarwanda bari mu cyiciro cy’ubudehe cyo hasi, bafashwa kwishyura ubwishingizi mu kwivuza, mu rwego rwo kuganuza u Rwanda.

Ambasade y’u Rwanda muri Nigeria yatangaje ko ubusanzwe abanyarwanda batuye muri ibyo bihugu atari benshi, ariko kuba barabashije gushyira hamwe inkunga ingana uku, ari ikimenyetso cy’uko bahoza umutima ku gihugu cyabo.

Inkunga yakusanyijwe yoherejwe kuri konti zabugenewe muri Banki Nkuru y’Igihugu, kugira ngo izashyikirizwe abayigenewe.

Mutuelle de Santé ni uburyo bumaze kugaragaza umusaruro mu gufasha abaturage kwivuza byoroshye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .