00:00:00 IGIHE NETWORK KN KINYARWANDA EN ENGLISH FR FRANCAIS

Commonwealth: Abahinde beretswe amahirwe yo gushora imari mu Rwanda

Yanditswe na Ishimwe Deborah
Kuya 31 May 2022 saa 10:19
Yasuwe :

Mu murongo wo gutegura no kumenyekanisha inama izahuza abakuru b’ibihugu na za Guverinoma bigize Commonwealth (CHOGM) izabera mu Rwanda muri Kamena uyu mwaka, ambasade y’u Rwanda mu Buhinde yateguye umuhuro ugamije kumenyekanisha ibikorwa by’uwo muryango.

Byateguwe mu gikorwa cyiswe “The Commonwealth Family Gathering” cyitabiriwe n’abarenga 150 barimo abayobozi n’abashoramari bakomeye mu Buhinde.

Uyu muhuro wabaye tariki 27 Gicurasi muri hoteli “ The Lalit”, iherereye mu Mujyi wa New Delhi ari naho ambasade y’u Rwanda ifite icyicaro muri iki gihugu.

Ambasaderi Jacqueline Mukangira yagaragaje ko u Rwanda rwiteguye neza kwakira CHOGM ndetse atanga ikaze ku bazayitabira.

Ambasaderi Mukangira yavuze ko u Rwanda rufite ibikorwaremezo bikenewe bizatuma iyo nama igenda neza, kuba abantu benshi baramaze kwemeza kuzayitabira no kuba ingingo zizaganirwamo ari ingirakamaro ku bihugu bigize Commonwealth.

Umuyamabanga wa Leta ushinzwe amahanga n’Umuco Meenakshi Lekhi, yifurije u Rwanda kuzagira inama nziza ya CHOGM, anarushimira aho imyiteguro igeze ngo iyo nama izagenda neza.

Umwe mu bashoramari bitabiriye iki gikorwa akaba n’Umuyobozi w’ikigo Obeetee Group of Companies, Kapil Aggrawal hamwe n’inshuti y’u Rwanda Abhilash Puljal bagarutse ku mahirwe y’ishoramari ari mu Rwanda, bavuga ko ari kimwe mu bihugu bya Afurika byorohereza abashoramari.

Abhilash Puljal kandi yanagarutse ku kuba u Rwanda ari igihugu cyabashije guhangana n’ubukene, kigashyiraho gahunda nyinshi z’iterambere kandi kibereye ubukererugendo.

Ambasade y’u Rwanda mu Buhinde ihagarariye u Rwanda mu bindi bihugu biri muri Commonwealth nka Bangladesh, Sri Lanka na Maldives.

Meenakshi Lekhi, yifurije u Rwanda kuzagira inama nziza ya CHOGM, anarushimira aho imyiteguro igeze ngo iyo nama izagenda neza
Minisitiri Meenakshi Lekhi yifurije u Rwanda amahirwe masa muri CHOGM 2022
Igikorwa cya The Commonwealth Family Gathering cyitabiriwe n'umubare munini w'abashoramari ndetse n'inshuti z'u Rwanda
Abashoramari bashishikarijwe kuyishora mu Rwanda nk'igihugu cyorohereza ishoramari muri Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .