00:00:00 IGIHE NETWORK KN KINYARWANDA EN ENGLISH FR FRANCAIS

Amerika: Abanyarwanda bizihije Umunsi wo #Kwibohora27 (Amafoto)

Yanditswe na Muhonzire Sylvine
Kuya 28 Nyakanga 2021 saa 07:31
Yasuwe :
0 0

Abanyarwanda batuye muri Leta Zunze Ubumwe za Amerika muri Leta ya New York, New Jersey n’iya Connecticut bizihije umunsi wo Kwibohora ku nshuro ya 27 bakora ibiganiro byagarutse ku butwari n’ubwitange byaranze ingabo zari iza FPR ubwo zavanaga u Rwanda mu maboko y’ubutegetsi bubi.

Umuhango wo kwizihiza uyu munsi wabaye ku wa 24 Nyakanga 2021, witabiriwe n’abayobozi mu nzego zitandukanye n’Abanyarwanda batuye muri izo leta eshatu.

Mu ijambo rye, Ambasaderi w’u Rwanda mu Muryango w’Abibumbye, Valentine Rugwabiza, yashimiye Abanyarwanda bitabiriye uyu muhango mu bihe bibi bya Covid-19, ababwira ko nubwo uyu mwaka wabaye mubi kubera icyorezo hari byinshi byo kwishimira nko kuba u Rwanda ari igihugu gifite amahoro kandi gitera imbere byose kibikesheje kwibohora.

Perezida w’Umuryango w’Abanyarwanda bizihije uyu munsi, Kabanyana Eunice, yavuze ko urugendo rwo kwibohora rugikomeje kandi rukeneye ubwenge n’imbaraga.

Yavuze ko urubyiruko rukwiye kugira indangagaciro zaranze abarubanjirije, rukiyubaha, rukagira ikinyabupfura n’ubumwe mu gihe rukomeje inshingano zo kwibohora.

Muri uyu muhango kandi hatanzwe ikiganiro cyagarutse ku “Kwibohora kwa kera n’uyu munsi” [Kwibohora: Then & Now] cyatanzwe na Lt Col Mutabazi Deo, Lt Col Nsengimana Ingabire Lausanne, Tona Yannick ndetse na Gloria Uwizeye.

Ibi biganiro byagarutse ku butwari, ikinyabupfura no kutagira ingengabitekerezo byaranze Inkotanyi mu rugamba rwo kubohora igihugu, basaba urubyiruko kubyigana kugira ngo basigasire ibyagezweho ndetse bakomeze kubyubakiraho.

Kugira ngo urubyiruko rw’u Rwanda ruzabashe gukomeza uyu murage rwarazwe, abatanze ikiganiro bavuze ko rugomba gukunda igihugu, rukumva ko kiri mu nshingano zarwo, rukihesha agaciro, rukaba inyangamugayo ndetse rugahorana umuco wa Kinyarwanda kandi rukarangwa n’Ubunyarwanda.

Abanyarwanda batandukanye hirya no hino ku Isi bakomeje kwizihiza kwibohora ku nshuro ya 27 ndetse mu Cyumweru gishize abatuye muri Amerika muri Leta ya Washington D.C, Maryland na Virginia na bo bahuriye hamwe bashima intambwe imaze guterwa.

Abanyarwanda batuye muri Leta ya New York Connecticut na New Jersey bari bizihiwe
Bari bishimye babyina byerekana umuco gakondo
Hari harimo n'abakuze bahanuye urubyiruko kwigira ku Nkotanyi
Uyu muhango watanzweho ikiganiro cyasabye urubyiruko kubakira ku byagezweho
Wari umunsi w'akanyamuneza
Bizihiwe babyina Ikinyarwanda bishimira umunsi Inkotanyi zafashe igihugu
Berekanye umuco gakondo binyuze mu mbyino

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .