00:00:00 IGIHE NETWORK KN KINYARWANDA EN ENGLISH FR FRANCAIS

Umuryango w’Abanyarwanda batuye mu Bufaransa wabonye ubuyobozi bushya

Yanditswe na Karirima A. Ngarambe
Kuya 27 March 2022 saa 05:40
Yasuwe :

Inteko rusange y’Umuryango w’Abanyarwanda batuye mu Bufaransa (Communauté Rwandaise de France , CRF) yatoye komite nshya iyobowe na Jean Noé Mwizerwa.

Ni matora yabaye kuri uyu wa Gatandatu tariki 26 Werurwe 2022 i Paris. Uretse Jean Noé Mwizerwa watowe ku mwanya wa Perezida, Visi Perezida watowe ni Yves Karatwa, umunyamabanga aba Joëlle Bucyana mu gihe umubitsi ari Julien Schraen. Abatowe bafite manda y’imyaka ibiri.

Umuryango w’Abanyarwanda batuye mu Bufaransa ufite intego zo guhuriza hamwe abanyarwanda batuye mu Bufaransa n’inshuti z’u Rwanda kugira ngo bashakire hamwe icyabateza imbere no kumenyekanisha u Rwanda mu mahanga.

Uyu muryango ugizwe n’uduce dutanu hashingiwe ku turere tugize u Bufaransa, ni ukuvuga CRF Région Haut de France, CRF Région Grand Ouest, CRF Région Centre, CRF Est na CRF Rhône Alpes.

Hatowe kandi n’abayobozi ba Diaspora Nyarwanda mu turere dutandukanye tugize u Bufaransa aritwo tubumbiye hamwe Umuryango w’Abanyarwanda batuye mu Bufaransa. Sylvie Ella Imeninema yatowe nk’Umuyobozi w’Ihuriro ry’Abanyeshuri mu Mujyi wa Lille akaba ari na we Munyamabanga wungirije wa CRF; Dona Mubumbyi yatorewe kuyobora Akarere ka Auvergne-Rhône-Alpes; Denise Millet yatorewe kuyobora Diaspora ya Grand Ouest; Frédéric Niyibizi yatorewe kuyobora Diaspora ya Normandie naho Jariel Rutaremara ni Perezida wa Diaspora ya Hauts-de-France.

Bamwe mu bitabiriye inteko rusange kuri uyu wa Gatandatu
Jean Noé Mwizerwa watowe ku mwanya wa Perezida

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .