00:00:00 IGIHE NETWORK KN KINYARWANDA EN ENGLISH FR FRANCAIS

Abanyarwanda baba muri Maroc, Guinea na Tunisia bizihije umunsi w’intwari

Yanditswe na Karirima A. Ngarambe
Kuya 14 February 2022 saa 08:59
Yasuwe :

Abanyarwanda baba muri Maroc, Guinea na Tunisia bizihije umunsi w’intwari mu muhango wabaye hifashishijwe ikoranabuhanga kuri Ambassade y’u Rwanda i Rabat.

Rwaka Nicolas ushinzwe ubushakashatsi mu Rwego rw’Igihugu rushinzwe imidali y’igihugu n’impeta by’ishimwe (CHENO), yibukije urubyiruko kwimakaza indangagaciro z’ubutwari mu byo bakora byose.

Ambasaderi w’u Rwanda mu bwami bwa Maroc, Zaina Nyiramatama, yashimiye ubuyobozi bw’u Rwanda bukomeje guteza imbere no gushimangira umuco n’ibikorwa by’ubutwari bikomeje kugira uruhare rukomeye mu iterambere ry’igihugu no kugihesha ijambo mu ruhando rw’amahanga.

Yasabye kandi urubyiruko kugendera kure imyitwarire n’ibikorwa byatokoza izina ry’u Rwanda.

Mu batanze ibitekerezo, bagarutse ku gushima ubutwari bwaranze Abanyarwanda ndetse basaba ko ibiganiro nk’ibi bibibutsa indangagaciro z’ubutwari byajya biba kenshi gashoboka.

Umuhango kandi waranzwe n’umuvugo urata ubutwari n’intwari ndetse n’indirimbo zateye akanyamuneza no guhimbarwa maze abitabiriye bacinya akadiho.

Abanyarwanda baba muri Maroc ahanini biganjemo urubyiruko rw’abanyeshuri bagiye kwiga muri icyo gihugu cyo mu Majyaruguru ya Afurika ku bufatanye na Leta y’u Rwanda.

Ambasade y’u Rwanda mu bwami bwa Maroc yafunguwe mu 2020. Ireberera inyungu z’ u Rwanda mu bindi bihugu bitatu birimo Tunisie , Guinea na Mauritanie.

Ambasaderi Zaina Nyiramatama yashimiye ubuyobozi bw’u Rwanda bukomeje guteza imbere no gushimangira umuco n’ibikorwa by’ubutwari
Uyu muhango wabaye hifashishijwe ikoranabuhanga hatangwa ibiganiro bitandukanye byagarutse ku butwari
Abitabiriye basabye ko ibiganiro nk’ibi bibibutsa indangagaciro z’ubutwari byajya biba kenshi gashoboka
Abanyarwanda bitabiriye basabwe gukomeza kurangwa n'indangagaciro z'ubutwari
Barizihiwe bacinya akadiho
Abanyarwanda baba muri Maroc, Guinea na Tunisia biyemeje gukomeza kurangwa n'indangaciro z'ubutwari no gukunda igihugu

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .