Afurika y’Epfo ntikiri mu bihugu bitanu byibasiwe cyane na Coronavirus

Yanditswe na Iradukunda Serge
Kuya 4 Nzeri 2020 saa 10:49
Yasuwe :
0 0

Nyuma y’iminsi myinshi yari ishize Afurika y’Epfo iri ku mwanya wa gatanu mu bihugu bifite umubare munini w’abaturage banduye Covid-19, kuri ubu yamaze kuva kuri uyu mwanya ufatwa na Peru ikomeje kwanduramo abantu benshi.

Afurika y’Epfo ivuye kuri uyu mwanya igera ku wa karindwi nyuma y’uko ibihugu bya Peru na Colombia bigaragaje abarwayi ba COVID-19 benshi kurenza abo Afurika y’Epfo ifite.

Uretse kuba umubare w’abarwayi wariyongeye muri ibi bihugu, indi mpamvu yatumye Afurika y’Epfo iva kuri uru rutonde ni uko mu byumweru bitandatu bishize umubare w’abandura nawo wagiye ugabanuka ahanini binyuze mu gukaza ingamba zo kwirinda.

Kugeza ubu umubare w’abantu bamaze kwandura COVID-19 muri Afurika y’Epfo urenga ibihumbi 633 mu gihe abo imaze guhitana ni 14563, Peru yafashe umwanya wa gatanu mu bihugu bifite umubare munini w’abanduye iki cyorezo ifite abarenga 670.

Leta Zunze Ubumwe za Amerika ziracyaza imbere mu bihugu byugarijwe cyane n’iki cyorezo aho abamaze kucyandura barenga miliyoni esheshatu mu gihe abo kimaze guhitana basaga ibihumbi 191, zikurikirwa na Bresil ifite abanduye barenga miliyoni enye n’abapfuye barenga ibihumbi 124.

Mu bindi bihugu byugarijwe cyane na COVID-19 harimo u Buhinde bufite abanduye barenga miliyoni 3.9 n’abapfuye barenga ibihumbi 68 n’u Burusiya bufite abanduye bagera miliyoni imwe.

Kugeza ubu ku Isi hose umubare w’abanduye Coronavirus urenga miliyoni 26 mu gihe abo imaze guhitana nabo barenga ibihumbi 860.

Afurika y'Epfo ntikiri mu bihugu bitanu ku Isi bifite umubare munini w'abanduye COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .