Umuhanzi Jason Derulo yataramiye Abanyarwanda mu gusoza irushanwa rya PGGSS II

Yanditswe na Dean Irak
Kuya 28 Nyakanga 2012 saa 08:33
Yasuwe :
0 0

Mu gihe kingana n’iminota mirongo mirongo itatu (9 : 57 PM kugeza 10 : 32 PM) umuhanzi w’Umunyamerika Jason Derulo yataramiye Abanyarwanda, kuri uyu wa Gatandatu tariki ya 28 Nyakanga 2012, mu gitaramo umuhanzi nyarwanda King James yambikiwemo ikamba ry’umuhanzi watsinze agahiga abandi muri PGGSS II.
Jason Derulo, wanyuzagamo akabyina, yagarutse cyane ku gushimira abamutumiye muri iki gitaramo avuga ko ari amahirwe akomeye yagize yo kuza bwa mbere muri Afurika. Yavuze ko ari amahirwe akomeye (...)

Mu gihe kingana n’iminota mirongo mirongo itatu (9 : 57 PM kugeza 10 : 32 PM) umuhanzi w’Umunyamerika Jason Derulo yataramiye Abanyarwanda, kuri uyu wa Gatandatu tariki ya 28 Nyakanga 2012, mu gitaramo umuhanzi nyarwanda King James yambikiwemo ikamba ry’umuhanzi watsinze agahiga abandi muri PGGSS II.

Jason Derulo, wanyuzagamo akabyina, yagarutse cyane ku gushimira abamutumiye muri iki gitaramo avuga ko ari amahirwe akomeye yagize yo kuza bwa mbere muri Afurika. Yavuze ko ari amahirwe akomeye yo kumenyekanisha umuziki we ukaguka kurushaho kandi yizeza Abanyarwanda ko azabwira isi ibyo yahabonye.

Kurikirana uko iki gitaramo cyanyuze LIVE mu mafoto no mu nyandiko kuri IGIHE:

Uko bimeze i Remera:

Umwe mu bafana ba Jay Polly yaje kuri stade yabyambariye gusa ababajwe n'uko yahejejwe hanze
Umuhanzi Bruce Melodie uri mu bakizamuka bakunzwe mu Rwanda niwe watangije igitaramo aririmba

8 : 24 PM Umuhanzi Bruce Melody niwe utangije igitaramo aririmba indirimbo ye yise “Tubivemo”

8 : 27 PM Hakuirikiyeho umuhanzi Dereck uririmbye indirimbo ye yise “Isezerano”, Charlotte nawe baririmbana muri Band ya PGGSS aririmbye indirimbo Redemption Song ya Bob Marley.

8 : 29 PM Igitaramo kirakomeje

8 : 39 PM Igitaramo gitangiye guca kuri RTV LIVE, umuhanzi Lion Imanzi ari nawe MC aririmba indirimbo Red Red ya UB40

8 : 45 PM Umuhanzi Tom Close niwe ukurikiyeho, Tom Close ari kuririmba indirimbo ye yise “Komeza Utsinde”. Akomereje ku ndirimbo “Ndacyagukunda”, asabye abafana ba King James, Jay Polly n’umuziki nyarwanda kubiigaragaza bamanika amaboko.

Tom Close asabye abafana kutaza kongera gutera amabuye nk’uko atorwa byagenze. Ibyo abivuze yibutsa abafana b’umuziki ko umuziki atari intambara ahubwo ari ibyishimo no guhuza abantu. Asabye ko uwatsindwa yakwemera ko yatsinzwe nta yandi mananiza.

Tom Close agize ati:"Mu kanya abahanzi babiri bagenzi banjye baraba bahagaze hano, King James na Jay Polly. Abatsinzwe babyemere ntabwo ari intambara ni ukwishima no mu muziki ibamo."

8 : 58 PM Mc Lion Imanzi yibukije ko uri bwegukane PGGSS aza gutwara miliyoni 24 z’amanyarwanda. Izo miliyoni ariko siko aza guhita azihabwa, arahabwa miliyoni 6 ku ikubitiro izindi ajye azihabwa mu byicioro bitandukanye.

Nyuma yo guhabwa miliyoni 6 Cash, dore uko izindi azajya azihabwa kugeza zikwiriye miliyoni 24

  • Icyiciro cya 1: Gahunda z’ibitaramo miliyoni 10
  • Icyiciro cya 2: Buri kwezi ibihumbi 500 (igihe cy’umwaka)
  • Icyiciro cya 3: Amashusho abiri (2) azatwara miliyoni

9 : 10 PM Abahanzi bageze ku musozo w’irushanwa nibo batangiye kuririmba. King James niwe utangiye.

King James yambaye neza; ikoti ry’umukara, ishati y’umweru n’ipantaro nziza ya Jeans. King James ariko ntabwo yazanye ababyinnyi yariribye wenyine.

King James aririmbye indiribo ze “Buhoro Buhoro”, “Ese Warikiniraga”

9 : 19 PM Jay Polly niwe ukurikiyeho. Mc Lion Imanzi amwise umwami wa Hip Hop mu gihe King James yamwise umwami w’udushya.

Jay Polly azananye n’itsinda rya Tuff-Gang ryose ni ukuvuga Bull Dogg, Fireman na Green P. Ahereye ku ndirimbo “Umwami Uganje”

9 : 30 PM Jay Polly aririmbye indirimbo ze zindi nka “You and I”. Jay Polly wambaye ikoti ryiza ry’umukara n’ipantaro y’itisi ya Kaki ari kunyuzamo akaganira n’abafana be byumvikana ko ari benshi cyane.

Jay Polly yaje yambaye ikoti ry'umukara n'itisi ya kaki

Abajije umubare wo guroraho abafana bari kwikiriza bavuga ko batoye nomero karindwi.

Jay Polly aririmbye indirimbo ye yise “iwacu”, indirimbo yitiriye Album ye.

Jay Polly ari kumwe na Tuff-Gang yose

INKURU NSHYA: Jason Derulo yageze ahari kubera igitaramo, abamutegurira kuririmba kwe bari kureba ko ibintu byose bitunganyije.

9 :39 PM Batangiye gutegura ibyuma bya Jason Derulo. DJ we ari kureba ko ibyuma bivuga neza mu kanya gato aratangira gushyusha abantu.

MENYA KO ! : Biraza kuba ari LIVE kuri RTV!

9 : 51 PM Aba DJ ba Jason batangiye gushyushya ikirori kirakaze!!! Bari guhinduranya indirimbo zagiye zikundwa......

Jason Derulo ageze ku rubyiniro ari kuririmba indirimbo ye yise "Don’t Wanna Go Home" yinjiye abyina iyo ndirimbo.

10 : 00 PM Jason Derulo ashimiye abamuzanye mu Rwanda avuga ko yaje kwagura umuziki we, kandi ko zari inzozi ze. Agize ati:”Mwarakoze guhindura inzozi zanjye impamo”

Akurikijeho indirimbo "Riding Solo"
Akurikijeho indirimbo "Fight For You"

Jason avanyemo ikoti arishyira hasi nk’umuntuu giye kurushaho kubyina cyane. Yongeye gushimira Abanyarwanda kubera ko bamutumiye bakaba batumye aza muri Afurika bwa mbere.

10 : 18 PM Jason Derulo yongeye kuvanamo imyenda noneho asuigaranye isengeri ari nako asa n’utangira kubyina noneho cyane kurushaho. Abantu bishimye cyane, afite abacuranzi benshi.

IKITAGENDA ARIKO Jason ari kugenda anyuzamo agasaba ko bamuzamurira amajwi y’indangururamajwi ye, ubanza itameze neza nk’uko abyifuza.

10 : 16 PM Jason Derulo asabye ko Abanyarwandakazi babiri bamwegera maze bakabyina indirimbo ze. Jason yagaye imibyinire yabo nuko asaba ko haza undi ari nawe avuze ko abyinnye neza.

Jason Derulo abyinanye n’uwo mukobwa "ingwatira"

10 : 18 Jason aririmbye indirimbo ye yahereyeho ari nayo yatumye amenyekana "Whatcha Say"

Akurikijeho indirimbo "Miss You My Baby"

Jason Derulo akurikijeho kuririmba indirimbo “In My Head”. Ariko mbere yo kuyiririmba abanje kongera gushimira Abanyarwanda kuba baramuzanye mu Rwanda. Avuze ko azasubira iwabo muri Leta Zunze Ubumwe z’Amerika akababwira ibyo yaboneye mu Rwanda.

Jason Derulo agize ati:”This truly an amazing experience nzasubira muri Amerika mbasangize ibyo nabonye.”

AGASHYA! : Jason Derulo aciye agasengeri yari yambaye imbere y’abafana be. Jason nyuma yo kuririmba indirimbo In My Head ahise aterera akio gashwanyagurike k’agasengeri mu bafana ababwira ko abashimira ahita agenda.

10 : 30 PM Jason ashoje kuririmba kwe yagiriraga hano, aba DJ be basigaye bacuranga zimwe mu ndirimbo ze “Nshya”

Hagiye gukurikiraho gutangaza umuhanzi wegukana irushanwa rya PGGSS II hagati ya King James na Jay Polly.

10 : 48 PM Hatangajwe ko King James yegukanye irushanwa rya PGGSS II, King James arapfukamye.

10 : 53 PM King James yishimanye n’abafana be abaririmbira zimwe mu ndirimbo ze. Mu ijambo rye King James ashimiye Imana asaba n’abafana kumufasha kuyishima agira bagira bati:"In God We Trust".

Abafana bagaragazaga ko bafite inyota n'amatsiko byo kumenya umuhanzi uri butsinde
King James ashimirwa ko atsinze, ku rupapuro haragaragaraho amazina ye ko yatsinze
King James ari kumwe na Van, umuyobozi ushinzwe ubucuruzi muri BRALIRWA

11 : 59 PM Igitaramo gishojwe haterwa mu kirere imiriro y’ibyishimo "Fireworks"

Foto: Davy Photograoher - EAP


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza