Lion Imanzi yeguye muri PGGSS II, anasaba imbabazi ku byo yabajije Young Grace

Yanditswe na M. M.
Kuya 10 Nyakanga 2012 saa 11:51
Yasuwe :
0 0

Umushyushyabirori Lion Imanzi wayoboraga gahunda z’ibirori by’amarushanwa ya Primus Guma Guma Super Star, yeguye kuri iyo mirimo, ndetse asaba imbabazi ku bibazo yabajije Umuhanzi Young Grace kuri uyu wa Gatandatu tariki 7 Nyakanga.
Nyuma y’uko Young Grace yari amaze kuririmba muri aya marushanwa kuri uyu wa Gatandatu, Lion Imanzi yamubajije ku bihuha bivuga ko uyu muhanzi yaba akuze ariko akaba yigaragaza ko ari nk’umwana aho yamubajije niba ari "Agakecurini".
Uretse aya magambo Young Grace (...)

Umushyushyabirori Lion Imanzi wayoboraga gahunda z’ibirori by’amarushanwa ya Primus Guma Guma Super Star, yeguye kuri iyo mirimo, ndetse asaba imbabazi ku bibazo yabajije Umuhanzi Young Grace kuri uyu wa Gatandatu tariki 7 Nyakanga.

Nyuma y’uko Young Grace yari amaze kuririmba muri aya marushanwa kuri uyu wa Gatandatu, Lion Imanzi yamubajije ku bihuha bivuga ko uyu muhanzi yaba akuze ariko akaba yigaragaza ko ari nk’umwana aho yamubajije niba ari "Agakecurini".

Uretse aya magambo Young Grace avuga ko yari ayo kumusebya, Lion Imanzi yanamubajije niba atorwa n’umuryango we gusa, cyangwa atorwa n’abantu b’aho akomoka mu Majyaruguru gusa (Rubavu, Musanze).

Lion yagaragaje ko yaje kumenya ko benshi bakomerekejwe n’ibyo yabajije Young Grace ndetse ngo bamwe bamufata uko atari. Kubera izo mpamvu yoherereje ubutumwa IGIHE ngo ibusangire n’abasomyi bayo.

Ubwo butumwa buragira buti:

Abantu benshi bangaragarije akababaro batewe n’ibibazo nabajije umuhanzi Young Grace mu gitaramo cya Primus Guma Guma Superstar, icyiciro cya 2, kuwa Gatandatu ushize.

Nk’uko nabivugiye kuri Televiziyo, nashatse gushyira ibihwihwiswa ahagaragara kugira ngo nawe agire urubuga rwo kwiregura ku byo bamuvugaho.

Gusa siko byaje gufatwa, kandi ndabyumva cyane ko byababaje abantu; Ku bw’izo mpamvu mboneyeho gusaba imbabazi buri muntu wese ayo magambo yakomerekeje.

Nyirubwite ari we Young Grace, nzamwishakira nzimusabe nanyemerera mbikore mu ruhame kuri Televiziyo y’u Rwanda ku itariki ya 14 Nyakanga 2012 mu gitaramo cya PGGSS2.

Nzanaboneraho gusezera kuri uyu mwanya wo kuba umuyobozi wa gahunda (MC) w’iki gikorwa kuko numva hageze guhigamira abandi nabo bagakora.

Sinigeze mvangura umuntu n’umwe mu buzima bwa njye, kandi ubu si bwo nakwiga kubikorera umuntu duturuka mu Karere kamwe ka Rubavu.

Mbifurije kugira amahoro y’Imana.

Murakoze

Lion Imanzi asanzwe ari umushyushyabirori mu birori bitandukanye, ni nawe wayoboraga ibirori by’icyiciro cya mbere cy’amarushanwa ya PGGSS, yabaye umwaka ushize.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza