Jason Derulo azagera I Kigali kuwa Gatanu nijoro

Yanditswe na Dean Irak
Kuya 23 Nyakanga 2012 saa 04:47
Yasuwe :
0 0

Umuhanzi w’icyamamare Jason Derulo azasesekara I Kigali mu Rwanda kuri uyu wa Gatanu tariki ya 27 Nyakanga 2012, ahagana saa mbiri z’ijoro. Azaba aje mu gitaramo cyo gusoza amarushanwa ya Primus Guma Guma Super Star II (PGGSS II).
Aimable Tuyizere, umukozi wa East African Promoters yatangaje PGGSS II yatangaje ko biteganijwe ko Jason Derulo asesekara I Kigali ku mugoroba wo kuri uyu wa Gatanu.
Tuyizere usanzwe uri mu bari gutegura igenda neza ry’urugendo rwa Jason Derulo akomeza avuga ko uyu (...)

Umuhanzi w’icyamamare Jason Derulo azasesekara I Kigali mu Rwanda kuri uyu wa Gatanu tariki ya 27 Nyakanga 2012, ahagana saa mbiri z’ijoro. Azaba aje mu gitaramo cyo gusoza amarushanwa ya Primus Guma Guma Super Star II (PGGSS II).

Aimable Tuyizere, umukozi wa East African Promoters yatangaje PGGSS II yatangaje ko biteganijwe ko Jason Derulo asesekara I Kigali ku mugoroba wo kuri uyu wa Gatanu.

Tuyizere usanzwe uri mu bari gutegura igenda neza ry’urugendo rwa Jason Derulo akomeza avuga ko uyu muhanzi azahita ahabwa aho aruhukira ngo yitegure neza igitaramo azakorera muri Stade Amahoro ku wa Gatandatu tariki ya 28 Nyakanga.

Yagize ati:”Jason kuwa Gatanu mu gihe cya nimugoroba azaba ari mu Rwanda. Azagera hano kuwa Gatanu saa mbiri z’ijoro.”

Landry Jabo, nawe uri mu bakozi bari gutegura iby’uru rugendo, yatangarije urubuga EPMUSIC.com, dukesha iyi nkuru yavuze ko Jason Derulo azaririmba Live kuko azazanana na Band ye yuzuye.

Jabo yagize ati:”Azanana na Band y’ababyinnyi n’abacuranzi barindwi na Dj umwe. Azazanana kandi n’ababyinnyi 3.”

Byari biteganijwe ko mu gitondo cyo kuwa Gatandatu ari bwo Jason Derulo yazakorana ikiganiro n’abanyamakuru ariko kubera ko hazaba hari umuganda, Jabo avuga ko hari kurebwa uko yazaganira n’abanyamakuru kuwa Gatanu akigera ku kibuga cy’indege.

Nyuma y’igitaramo azakorera mu Rwanda, Jason Derulo, azahita asubira muri Leta Zunze Ubumwe z’Amerika (aho azaba aturutse) kuwa Gatandatu tariki ya 29 Nyakanga 2012.

Umwaka ushize, umuhanzi Sean Kingston niwe waje mu Rwanda azanywe na EAP hamwe na BRALIRWA, abategura irushanwa rya PGGSS II. Uyu muhanzi yari yazananye na nyina umubyara.

Jason Derulo - Breathing (Indirimbo ubu iri kwamamazwa cyane ya JD)


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza