Century Park Hotel na Sherrie Silver Foundation byateguye ‘brunch’ yo kwinjiza abana muri Noheli

00:00:00 IGIHE NETWORK

KINYARWANDA

ENGLISH

FRANCAIS

Century Park Hotel na Sherrie Silver Foundation byateguye ‘brunch’ yo kwinjiza abana muri Noheli

Yanditswe na IGIHE

Kuya 18 December 2024 saa 02:43

Yasuwe :

Yavuzweho:

Iminsi irabarirwa ku ntoki ngo abantu batangire kwizihiza iminsi mikuru ya Noheli n’Ubunani; ibihe usanga abantu benshi bari kwishimana n’inshuti n’imiryango.

Century Park Hotel & Residences iherereye i Nyarutarama, mu kurushaho gufasha abakiliya bayo kuryoherwa n’iminsi mikuru, yateguye brunch izabinjiza muri Noheli bishimana n’ababo.

Iyi hoteli isanzwe igira brunch buri Cyumweru. Hategurwa amafunguro n’ibinyobwa, kuva saa tanu kugeza saa kumi n’imwe, abantu bafungura nta kibatangira.

Mu kwinjiza abantu mu minsi mikuru, ku wa 22 Ukuboza 2024 hateguwe brunch idasanzwe yateguriwe by’umwihariko abana, aho bazishima mu buryo butandukanye.

Ni brunch izitabirwa n’abana babarizwa muri Sherrie Silver Foundation, bazidagadurana n’abandi bayitabiriye, banagaragaza impano zitandukanye nko kubyina no kuririmba.

Kuri iyi brunch, abana bazayitabira barasabwa kuzambara imyambaro ijyanye n’inkuru ya ‘Cinderella’, abazaba baberewe kurusha abandi bazahabwa ibihembo birimo serivisi za hoteli zirimo ‘brunch’ enye z’ubuntu, gusohokera muri iyi hoteli, ibikoresho by’ishuri n’ibindi.

Hazaba kandi hari n’imikino y’abana itandukanye, izatuma barushaho kuryoherwa n’uyu munsi.

Kwitabira iyi brunch ku muntu mukuru ni 25 000Frw, naho abana bari munsi y’imyaka 12 bo bishyura 12 500Frw. Iyo wishyuye aya mafaranga, uba wemerewe gufatira amafunguro muri resitora ebyiri: Billy’s Bistro iteka indyo mpuzamahanga na Tung Chinese Cuisine imenyerewe ku ndyo z’Abashinwa.

Abantu bakuru bazitabira na bo bazaryoherwa n’umuziki w’umwimerere, ucurangwa na Cedric Mineur afatanyije na Afrozik Band. Abashaka gufata imyanya mbere bahamagara 0784071792 cyangwa 0782015450.