Anastasia Fomeko w’imyaka 17, ukomoka mu gihugu cya Ukraine yambaye nk’igihangange muri muzika Lady Gaga w’Umunyamerika igihe yari agiye gufata impamyabumenyi,ibi akaba yarabikoze kugira ngo arusheho kumenyekana.

Mu myambaro yari yambaye harimo ikanzu ibonerana cyane kandi irimo imyenge n’agakabutura ndetse na kora igeze ku birenge yerekana uko ateye n’inkweto ndende zitukura.

Nk’uko urubuga 7sur7 ari narwo dukesha iyi nkuru rubitangaza, ngo abandi banyeshuri bari bambaye imyenda isanzwe ijyanye n’umuco. Anastasia we akaba yarambaye gutya ngo kuko ashaka kuzaba umunyamakuru kuri televiziyo yo muri iki gihugu ngo akaba yarashakaga kumenyekana mbere y’igihe.