Yatunguwe no kubona mu binyamakuru ko umugabo we nta mugore yigeze

Yanditswe na Umutoni Rosine
Kuya 7 Nzeri 2020 saa 12:49
Yasuwe :
0 0

Umugore wo muri Leta Zunze Ubumwe za Amerika witwa Nikyta Moreno yatunguwe no kubona inkuru mu binyamakuru, uwahoze ari umugabo we avuga ko nta mugore yigeze.

Ikinyamakuru The New York Times giherutse kwandika mu gice cyacyo cyagenewe abarushinze, inkuru y’umugabo witwa Robert Palmer warushinzwe n’umukunzi we Lauren Maillian.

Muri iyo nkuru, Robert avuga uburyo we n’umukunzi we batangiye gukundana muri Mutarama 2017.

Ni inkuru yatunguye cyane Nikyta Moreno, wabaye umugore wa Robert guhera mu 2015 kugeza ubwo batandukanye mu buryo bwemewe n’amategeko muri Mutarama 2018.

Moreno yahise yandikira The New York Times ayisaba gukosora iyi nkuru, ndetse agaragaza ko ababajwe n’uburyo umugabo we yamucaga inyuma, kuko yivugiye ko muri Mutarama 2017 yari mu rukundo na Lauren kandi bari bakibana nk’umugabo n’umugore.

Yagize ati “Rob na Lauren bavuga ko batangiye gukundana muri Mutarama 2017. Inkuru ivuga ko atari yarigeze ashaka undi mugore. Ayo makuru yabaye mashya kuri njye kuko muri Mutarama 2017 nari umugore we.”

Moreno yavuze ko muri Werurwe 2017 aribwo we na Robert barekeye aho kubana mu nzu, bakaza gutandukana byemewe n’amategeko mu 2018.

Uyu mugore avuga ko yababajwe n’ibyo uwahoze ari umugabo we yavuze, ndetse ko bigaragaza ko yamucaga inyuma bakibana.

Ati “Yari inshuti yanjye ikomeye ariko ubuzima bwanjye yarabwangije. Narabibonaga ko hari ibitagenda neza, naketse ko yancaga inyuma ariko ubwo nabimubazaga, ntiyigeze ansubiza.”

Robert Palmer yavuze ko we na Moreno batandukanye babyumvikanyeho ku buryo atumva ikimubabaje kandi bararangije gutandukana. Yavuze ko we n’umuryango we mushya babanye neza.

Nyuma y’uko Moreno agaragarije ko Robert yabeshye itangazamakuru, The New York Times yakosoye inkuru yayo yo muri Kanama uyu mwaka, yandika ko Robert yahoze afite undi mugore.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .