00:00:00 IGIHE NETWORK KN KINYARWANDA EN ENGLISH FR FRANCAIS

Vivica A. Fox yanyomoje ibyo kongera igitsina cya 50 Cent bahoze bakundana

Yanditswe na Rosine Ingabire
Kuya 25 Nzeri 2022 saa 11:17
Yasuwe :

Vivica A. Fox wahoze ari umukunzi w’umuraperi 50 Cent, yatangaje ko amakuru amaze iminsi avugwa y’uko uwo wahoze ari umukunzi we yongeresheje igitsina, ari ibihuha.

Hashize iminsi hari amakuru ko 50 Cent yibagishije igitsina hagamijwe kucyongerera ingano.

Uyu muraperi yajyanye mu rukiko Umunya-Florida Angela Kogan uzobereye ibyo kubaga no guhindura imiterere y’umubiri, hamwe na sosiyete ya MedSpa kubera ko bakoresheje ifoto y’uyu muraperi batabiherewe uburenganzira.

Vivica A. Fox mu kiganiro Cocktails with Queens, yavuze ko 50 Cent yabeshyewe cyane kuko uburyo amuzi adakeneye kongeresha igitsina.

Ati “Angela arabeshya. Ni ibintu nzi neza cyane ko adakeneye kongeresha igitsina. Ameze neza.”

Yavuze ko ubusanzwe adakunze kuvuga rumwe na 50 Cent ariko ko uwamushinja kongeresha igitsina we bahangana.

Vivica wakundanye na 50 Cent mu 2003, yavuze ko ari umuhamya w’uko uwo muraperi nta kibazo na kimwe afite iyo bigeze ku gutera akabariro.

50 Cent aherutse gutangaza ko ibihuha by’uko yongeresheje igitsina byamuteje urubwa, bikamwangiriza ubucuruzi n’umwuga we.

Vivica yavuze ko 50 Cent wahoze ari umukunzi we nta kibazo cy'igitsina gito afite

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .