Umwana w’imyaka icyenda yabazwe ubwonko ari gucuranga Piano

Yanditswe na Muhonzire Sylvine
Kuya 19 Ukuboza 2020 saa 01:24
Yasuwe :
0 0

Mu minsi ishize, ku mbuga nkoranyambaga hacicikanye amashusho y’umwana w’umukobwa w’imyaka icyenda witwa Saumya wo mu Buhinde wagaragaye ari gucuranga Piano anaririmba mu gihe cy’amasaha atandatu abaganga bari kumubaga ubwonko.

Umuganga witwa Dr Abhishek Chauhan wo mu bitaro bya Birla mu Buhinde ari nawe wavuraga uyu mukobwa, yatangaje ko bahisemo kubaga uyu mwana nta kinya cy’umubiri wose mu kwirinda ingaruka zo kwangiza udutsi tw’ubwonko, bitewe n’uruhande rwari ruriho ikibyimba cyashoboraga kumuhitana.

Amashusho agaragaza umwana w’umukobwa muto aryamye ku gitanda hejuru ye kuva ku gice kitari kubagwa cy’umutwe hatwikirije igitambaro cy’ubururu, intoki ze ziri kuri Piano acuranga. Akomeza no hirya yerekana abaganga bari kumubaga ubwonko, ndetse camera ikegereza neza ku mutwe wa Saumya yerekana aho ari kubagwa.

Dr Abhishek yavuze ko ubu buryo bwo kubaga ubwonko batamuteye ikinya cy’umubiri wose bwitwa ‘awake craniotomy’, umurwayi abagwa yumva bitewe n’uruhande ruhereyemo ikibyimba, kugira ngo bamurinde kwangirika kw’ibindi bice by’ubwonko.

Ikibyimba uyu mwana yari afite cyari giherereye ku gice cy’ubwonko gifasha umuntu kureba, kuvuga no kugenda.

Uyu muganga yongeraho ko kugira ngo uyu mwana akire byasabaga ko bashimisha ubwonko bwe.

Ati “Kubaga uyu mwana byasabaga ubuhanga, kandi twumvise ko dushobora kubaga uyu mwana agakira, mu gihe akoresheje ibyuma by’umuziki bimufasha gushimisha ibitekerezo bye, rero ubu twabigezeho umwana ni muzima.”

Kuba yaracuraganga Piano byatumye abagwa ubwonko buri gukora, ubu yavuye mu bitaro ameze neza.

Saumya yamaze amasaha atandatu ari gucuranga Piano mu gihe abaganga bari bari kumubaga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .