Umuherwe wo mu Buyapani yiyemeje gutanga amatike ku bantu bazamuherekeza mu isanzure

Yanditswe na Ntabareshya Jean de Dieu
Kuya 6 Werurwe 2021 saa 12:47
Yasuwe :
0 0

Umuherwe wo mu Buyapani, Yusaku Maezawa, yiyemeje gutanga amatike umunani ku bantu bazamuherekeza mu rugendo ateganya gukorera mu isanzure mu butembere bwo kuzenguruka ukwezi bitarenze 2023.

Yusaku Maezawa, ni umuhanga mu kwerekana imideli kuri internet. Ashobora kuba umukiliya wa mbere mu cyogajuru cyakozwe SpaceX ya Elon Musk, cyiteguye kuzatwara abashaka kwerekeza mu isanzure.

Ku ikubitiro yifuzaga inshuti y’umukobwa bazatemberana mu kwezi, binyuze mu marushanwa y’abakobwa bafite imyaka 20 kuzamura gusa yaje guhindura ibitekerezo avuga ko yifuzaga gutumira abahanzi bagera kuri batandatu cyangwa umunani.

Mu mashusho yashyize kuri Twitter, Maezawa w’imyaka 45 yavuze ko yamaze guhitamo politiki yagutse yo gushaka abakunzi be aho yemeza ko umuntu wese ukora ikintu gishya akwiye kwitwa umuhanzi.

Ati “Ndabatumiye mwese munyiyungeho muri iyi gahunda. Abantu umunani muri mwe baturutse ku Isi yose, namaze kugura iyo imyanya kugira ngo ruzabe urugendo rwihariye. Nifuza abantu bafite imico inyuranye bakifatanya nanjye.”

Uyu muherwe yavuze ko abasaba kujyana nawe bagomba kuba bujuje ibintu bibiri gusa ari byo kuba biteguye kurenga inzitizi no guhangana.

Maezawa abarirwa umutungo wa miliyari eshatu z’amadolari ya Amerika.

Yusaku Maezawa arashaka gukora amateka yo gutemberera ku kwezi
Amaze igihe ashaka abantu bazamuherekeza mu rugendo rwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .