Umugore wo mu Buhinde yabyaye impanga ku myaka 73

Yanditswe na Twarabanye Venuste
Kuya 7 Nzeri 2019 saa 09:44
Yasuwe :
0 0

Umugore wo mu Buhinde ufite imyaka 73 y’amavuko yibarutse impanga z’abana b’abakobwa nyuma y’imyaka 57 ashyingiwe ariko yarabuze urubyaro.

Erramatti Mangayamma usanzwe ukora umurimo w’ubuhinzi mu Ntara ya Andhra Pradesh yo mu Majyepfo y’u Buhinde bikekwa ko ariwe mugore wa mbere ubyaye akuze kurusha abandi.

Uyu mubyeyi watwise hifashishijwe uburyo bwo kuguhuza intanga (In Vitro Fertilization) yabyaye abazwe ku wa Kane w’iki Cyumweru, nkuko byatangajwe na CNN.

Dr. Sanakayyala Umashankar wafashije uwo mubyeyi muri urwo rugendo rwo gutwita akaba ari nawe wamubyaje, yavuze ko umubyeyi n’abana bameze neza.

Mangayamma n’umugabo we E. Raja Rao ufite imyaka 80 y’amavuko bashakanye mu 1962 ariko ntibigeze bagira amahirwe yo kubona urubyaro binyuze mu gutwita mu buryo busanzwe.

Begereye Dr. Umashankar mu 2018 nawe abemerera kubafasha none birangiye babonye urubyaro.

Umugore wo mu Buhinde yabyaye impanga afite imyaka 73

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza