Uko amashusho y’ubwambure yahindutse intwaro abakoloni bifashishije mu kwigarurira Isi

Yanditswe na David Eugène Marshall
Kuya 9 Ukwakira 2018 saa 10:17
Yasuwe :
0 0

Amashusho agaragaza ubwambure bw’ibice bimwe na bimwe by’umubiri, ni iturufu ikomeye abakoloni bakoresheje mu gutesha agaciro abantu bo mu bihugu bari barigaruriye.

Iyi turufu byemezwa ko yateguwe mu buryo bw’abahanga kuva mu kinyejana cya 15, aho abakoloni bifashishije abanyabugeni n’inzobere zabo, nk’uburyo bwari bugamije guhindanya isura n’umuco w’abaturage b’ibihugu bakolonizaga.

Amateka agaragaza ko muri ibyo bihe ndetse n’ibyakurikiyeho, ubwami butandukanye bwashyizwe hasi mu bihugu bya Afurika, Amerika y’Epfo, mu Birwa bya Caraïbes na Pacifika, aho imico, kirazira n’imigenzo bari basanganywe byavanyweho n’abakoloni, bakazana ibyabo.

Nk’uko umuhanga n’umwanditsi w’amateka w’Umufaransa Pascal Blanchard, yabitangaje mu Kinyamakuru Libération, icyakurikiyeho ngo ni ukwambika ubusa abo basanze mu bihugu bakolonije nka kimwe mu kimenyetso cyo kubatesha agaciro.

Blanchard kandi yemeza ko amafoto, ibibumbano, amashusho agaragaza ubwambure bw’abagore b’abirabura, byabaye nk’imwe mu ntwaro yafashije abazungu gusobanurira abaturage babo ko mu bihugu bakoloniza ubuzima bwaho ari akajagari.

Bavugaga ko ubuzima buganisha ku mikoreshereze y’igitsina butagira amategeko abuhana nk’iwabo, bikaba biri no mu byatumaga abagabo batari bake bisuka muri ibyo bihugu ku bwinshi.

Mu bijyanye n’uburengerazuba bwa muntu gukoresha iby’urukozasoni abagore, abana n’abakobwa ari kirazira, abakoloni bo bari bibereye mu gufotora ubwambure bw’abo bakolonizaga, kubashushanya, ndetse no kubakoreraho ubushakashatsi bavugaga ko buri mu nyungu za siyansi n’ubuvuzi.

Hari nk’aho bagereranyaga imiterere y’inda ibyara y’abirabura n’iy’abazungu, ariko hakagaragazwa amashusho y’abirabura gusa.

Blanchard yemeza ko ayo mashusho yakoreshwejwe nk’igikorwa cyo kureshya mu by’ubucuruzi, hagaragazwa ko uretse kuba muri Afurika no mu bindi bihugu byakolonizwaga hari imitungo kamere, hari n’akandi karusho ko kuba uhageze wese ashobora kwigarurira imibiri y’abari n’abagore bitagoranye.

Yari indi ntwaro yo guhisha amabi yakorerwaga abaturage, nko kwerekana ko abakolonizwaga atari ibiremwa muntu byuzuye, ahubwo bari nk’inyamaswa zidakwiye agaciro na mba.

Blanchard we akagereranya ibyo abazungu bakoraga no kurema icyo yise ‘Zoos humains’ mu gitabo ‘Arte 2002’, ugereranije mu Kinyarwanda ni nko gufata abantu ukabegeranya n’ibikoko byashyizwe hamwe bakabyorora.

Bati “Abazayabona (ayo mashusho), bazahurura n’iyonka, kuko bazasobanukirwa ko gusambanya utwana, gufata ku ngufu, hariya buri kimwe cyose barakemerewe nta tegeko rizabitambika”.

Akomeza avuga ko ikibabaje, ari uko abazungu bagerageje guhisha bimwe mu bitabo, inyandiko ndetse n’amashusho agaragaza ibyo byose, aho hafi 80% z’ibyo bikorwa bikojeje isoni bashoboye kubihisha ku buryo utabisanga mu nzu ndangamurage zabo.

Ku bwa Blacnhard ngo ntawe ukwiye kwibwira ko ibyakorwaga muri gihe cy’ubukoloni ubu byahagaze.

Yemeza ko byahinduye isura n’uburyo bikorwamo, nk’aho usanga mu Burayi magingo hahanzweho amashusho y’abakobwa b’ibisusirane ( métisses ) bihariye isoko ryo kwamamaza ibicuruzwa mu buryo butajya kure y’uko ibintu byari bimeze mu gihe cy’ubukoloni, nyamara umubare w’abazungu bwite ubikora ukaba muto cyane.

Iterambere muri Filimi z’urukozasoni ku mbuga nkoranyambaga kandi naryo ngo si shyashya, aho usanga urubyiruko rutari ruke rwarararuwe nazo.

Undi mwanditsi witwa Nicolas Bancel yemeza mu gihe isi itahagurukira rimwe ngo ihangane n’ubukoloni bw’amacenga yo kwifahisha amashusho iki kibazo ngo kitazoroha.

Amashusho y'ubwambure bw'abagore n'abakobwa yabaye intwaro abakoloni bakoresheje ngo bigarurire Isi


[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza