Igitabo cyatiruwe ni icyanditswe na Balbir Sing cyitwa Indian Cookery. Iryo somero ryagitije mu 1968 ariko uwagitiye ntazwi kuko inyandiko bandikagaho abatiye ibitabo icyo gihe zitakiboneka.

Icyo gitabo cyoherejwe ku isomero mu ibahasha kiri kumwe n’amande y’amapawundi 20 nk’ubukererwe bwo kugitirura.

Isomero Paisley Central ryatangaje ryashimishijwe n’icyo gikorwa cyo gutirura icyo gitabo, nubwo uwabikoze atigeze yigaragaza.

Ubuyobozi bw’isomero bwatangaje ko ayo mafaranga yatanzwe azahabwa imiryango ifasha ababaye kuko muri iyi minsi nta mande yakwa abantu batinze gutirura ibitabo.

Igitabo cyatiruwe ntabwo kizasubizwa mu bitabo bitizwa kuko cyangiritse cyane.

Balbir Singh wanditse icyo gitabo ni Umuhinde wavukiye muri Punjab mu 1912. Yari umwe mu batetsi bakomeye ku isi, akaba yarabaye umwarimu ubyigisha ndetse n’umwanditsi w’ibitabo bivuga ku guteka. Yapfuye mu 1994.

Iki gitabo cyabonetse nyuma y'imyaka 50 gitiwe