Nyuma y’amasaha atatu ifashe ikirere, indege y’ikompanyi ya Air India yari itwaye abagenzi 200 yasubiye aho yari iturutse, nyuma y’aho umwe mu bagenzi uvugiye ko abonyemo imbeba.
Ubuyobozi bw’iyi kompanyi bwavuze ko bwakoze ibi mu rwego rwo kwirinda ibibazo byavuka mu gihe imbeba yarya insinga zo mu ndege.
Abagenzi bose bari muri iyi ndege bahise bashyirwa mu yindi, urugendo rugana i Londres rurakomeza.
Urubuga rwa liberation dukesha iyi nkuru, rwatangaje ko ubuyobozi bwa Air India iyi ndege bwavuze ko hatangijwe iperereza, ariko hagati aho indege yahise iterwamo imiti yica imbeba n’utundi dukoko.
Si ubwa mbere indege yo mu Buhinde isubijwe inyuma n’impungenge zitewe n’imbeba, kuko muri Nyakanga 2015 indege yavaga mu murwa mukuru New Delhi yerekeza i Milan mu Butaliyani na yo yasubijwe inyuma igitaraganya hikanzwe imbeba.
TANGA IGITEKEREZO