U Bufaransa: Yakoze agapfukamunwa gatuma umuntu anywa atagakuyemo

Yanditswe na Rosine Ingabire
Kuya 22 Kanama 2020 saa 09:28
Yasuwe :
0 0

Umugabo wo mu gace ka Normandie kari mu majyaruguru y’u Bufaransa, Raymond Dalaise, yakoze agapfukamunwa kazajya gatuma abantu benshi babasha kunywa inzoga cyangwa ibindi batagakuyemo.

Ubusanzwe ntabwo ari itegeko kwambara agapfukamunwa igihe umuntu ari ku meza cyangwa ari kunywa kuko udupfukamunwa dukoreshwa kuri ubu bitashoboka.

Ako gapfukamunwa yise ‘Siroteur’ ngo kaje guhindura ibintu ku buryo umuntu akomeza kwirinda icyorezo cya coronavirus aho yaba ari hose bitabaye ngombwa ko agakuramo, apfa kuba ari mu ruhame.

Ikinyamakuru 7 sur 7 cyatangaje ko ako gapfukamunwa kakozwe mu buryo hasi gafite ahantu bacomeka umuheha ku buryo umuntu anywa akambaye. Hari n’akandi yakoze kaba gafite imashini ku buryo ushaka kunywa adakoresheje umuheha afungura imashini akanywa, yarangiza kunywa agafunga neza.

Nubwo ako gapfukamunwa katarahabwa icyangombwa cy’ubuziranenge, Raymond Dalaise wagakoze yizeye ko kazemerwa vuba agatangira kukagurisha ku bwinshi.

Aka gapfukamunwa kiswe Siroteur kazajya gafasha abantu kunywa batagakuyemo
Hakozwe udupfukamunwa tw'amoko abiri , kamwe gafite imashini akandi karimo ahagenewe umuheha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .