Iyo karita yari imwe mu butumwa 34 Trump yashyize kuri Truth Social mu gihe kitageze ku isaha imwe. Yagaragazaga ijambo “Mexico” ryaciwemo umurongo, rigasimbuzwa “America”, ku buryo “New Mexico” yahindukaga “New America”.

Ibi bije nyuma y’uko Trump, kuva agarutse ku butegetsi muri Mutarama 2025, yatangiye gushyigikira ihindurwa ry’amazina y’ahantu hatandukanye kugira ngo arusheho gushingira ku izina rya Amerika.

Trump yari yarahinduye izina rya Gulf of Mexico, ayita Gulf of America, avuga ko iryo hindurwa rigamije “guha agaciro ubudahangarwa bwa Amerika”.

Mu mpera za Kanama 2026, Trump kandi yahinduye izina rya Lake Ontario, ayita Lake America. Icyo cyemezo cyafashwe mu gihe Amerika na Canada bari mu ntambara y’ubucuruzi, mu gihe icyo kiyaga giherereye ku mupaka w’ibihugu byombi.

Ubutumwa Trump yashyize kuri Truth Social uwo munsi ntibwari bushingiye gusa ku guhindura amazina. Yanashyize hanze ifoto ishyira isura ye imeze nka tatouage ya Hulk Hogan, yambaye igitambaro cyanditseho “MAGA”.

Mu bundi butumwa, hagaragajwe ikarita ya Iran yahinduwe ku buryo imbibi zayo zisa n’imiterere y’umutwe wa Trump.

Perezida wa Leta Zunze Ubumwe za Amerika, Donald Trump, yashyize ku rubuga rwe rwa Truth Social ikarita igaragaza Leta ya New Mexico yahinduriwe izina ikitwa “New America”