Suède: Hamaze gutangwa ibyangombwa 48 byemerera abantu gusabiriza

Yanditswe na Bukuru JC
Kuya 21 Ukwakira 2020 saa 08:52
Yasuwe :
0 0

Nyuma y’umwaka mu Mujyi wa Eskilstuna muri Suède hatangijwe uburyo bwo gusabiriza bwemewe n’amategeko, abantu 48 nibo bamaze guhabwa ibyangombwa.

Umwaka ushize nibwo Meya wa Eskilstuna yagaragaje uburyo bushya bwo gusabiriza mu mujyi, aho mu rwego rwo guca akajagari, bategetse ko umuntu wemerewe gusabiriza ari ufite icyangombwa.

Ushaka icyangombwa yandikira Polisi abisaba, ubusabe bwe bwakwakirwa agahabwa ikibanza cya metero kare 1,5 nyuma yo kwishyura amayero 32.

Icyo kibanza ugihawe aba afite amezi atatu yo kugikoreramo, yashira icyangombwa kigata agaciro.

Adrian, umwe mu basabiriza wahawe icyangombwa yatangarije RFI ko amafaranga ataboneka neza muri iyi minsi.

Yagize ati “Icyangombwa cya Polisi dore ndagifite hano, amayero 32 narayishyuye , ku munsi mbona amayero nk’icyenda ariko urebye ntabwo ari menshi.”

Meya wa Eskilstuna, Jimmy Jansson, yavuze ko atangiza icyo gikorwa cyo gutanga ibyangombwa ku basabiriza, yifuzaga kugabanya akavuyo mu mujyi ariko no guteza imbere imibereho y’abasabiriza.

Ati “Kuri bamwe batubwira ko bumva batekanye kurusha mbere kuko bazi uburenganzira bwabo. Kuri ubu babasha kwisanga mu muryango gusa twe icyo twashakaga ni uko abantu batajya gusabiriza.”

Icyakora nubwo hashyizweho uburyo bw’ibyangombwa, ngo hari abakibikora rwihishwa, bakajya mu duce two mu nkengero z’umujyi aho bitoroshye kubafata. Kugeza ubu muri uwo mujyi habarizwa abasabiriza bagera kuri 60.

Kwemererwa gusabiriza mu Mujyi wa Eskilstuna, umuntu agomba guhabwa icyangombwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .