Perezida Putin yanze impano y’imbwa yahawe n’u Buyapani

Yanditswe na Deus Ntakirutimana
Kuya 12 Ukuboza 2016 saa 12:12
Yasuwe :
0 0

Umudepite wo mu Buyapani witwa Koichi Hagiuda yatangaje ko Perezida w’u Burusiya, Vladimir Putin, yanze impano y’imbwa yari yemerewe na guverinoma y’iki gihugu cyo ku mugabane wa Aziya.

Nta mpamvu uyu mudepite yatanze yatumye Putin atera umugongo iyo mpano, dore ko bisanzwe bimenyerewe ko akunda imbwa ku buryo budasanzwe.

BBC itangaza ko u Buyapani bwari bwahaye Perezida Putin indi mbwa y’ingore (imbwakazi) yiswe Yume, mu 2012, mu rwego rwo kumushimira ku bufasha yahaye iki gihugu nyuma y’uko cyibasiwe n’ibiza bidasanzwe bya Tsunami mu 2004.

Iyo Putin yemera iyo mpano, ngo yari kuzayishyikirizwa na Minisitiri w’Intebe w’u Buyapani, Shinzo Abe, mu nama azitabira izabera mu Buyapani mu cyumweru gitaha.

Putin asanganwe imbwa y’imperumwe ifite inkomoko muri Bulgarie yitwa Buffy, yahawe na Minisitiri w’Intebe w’iki gihugu mu 2010.

Iyo mu bwoko bwa Labrador yitwa Konni, yahawe na Minisitiri we w’ingabo, Sergey Shoigu, yo yapfuye mu 2014.

Tumwe mu dushya twaranze Putin ku bijyanye n’imbwa, turimo kujyana imbwa ye yitwa Konni mu nama yamuhuje n’Umuyobozi w’u Budage (Chancellor), Angela Merkel, usanzwe uzwiho kuzitinya.

Ibitangazamakuru bitandukanye byatangaje ko yitwaje iyo mbwa agamije gutera ubwoba Merkel. Ariko mu ntangiriro z’uyu mwaka, Putin yisobanuye avuga ko atari asanzwe azi ko Merkel atinya imbwa.

Ati " Nkimara kumenya ko adakunda imbwa, mu by’ukuri nasabye imbabazi.”

Putin akina n'imbwa ze atunze mu rugo
Aha hari mu 2014 ubwo Putin (ibumoso) yerekaga Shinzo Abe imbwa bamuhaye nk'impano mu 2012
Perezida Putin azwiho gukunda imbwa mu buryo butangaje

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza