Musanze: Umusore yafashwe avuye kwiba yiyambitse nk’umugore

Yanditswe na N.Kubwimana Janvière
Kuya 27 Gicurasi 2020 saa 01:37
Yasuwe :
0 0

Umusore uri mu kigero cy’imyaka 24 y’amavuko ukomoka mu Murenge wa Nyange ho mu Karere ka Musanze, yafashwe nyuma yo kwiyoberanya akambara ikanzu akihindura nk’umugore, agatobora inzu y’umuturage akiba ibikoresho byiganjemo iby’ikoranabuhanga.

Uyu musore ukekwaho ubujura yafashwe mu gitondo cyo kuri uyu wa 27 Gicurasi 2020 mu murenge wa Musanze, Akagari ka Cyabagarura, Umudugudu wa Bukane mu Karere ka Musanze.

Yafatanwe ibikoresho birimo Flat TV, ibitenge bitatu, radiyo, icyuma kiyungurura amajwi (amplificateur), dekoderi (décodeur) n’indangamuntu z’abantu batandukanye.

Umuyobozi wungirije w’Akarere ka Musanze ushinzwe imibereho myiza y’abaturage, Kamanzi Axelle, yanenze ibikorwa by’ubujura bikomeje kugaragara, bamwe bakitwaza ko ari uko badafite ibindi bakora.

Ati "Ntamuntu kuri ubu ukwiye kurya ibyo atavunikiye kuko akazi karahari, nibakure amaboko mu mufuka bakore biteze imbere, naho uzashaka kurya ibyo atavunikiye nk’uyu wiyoberanyije agatobora inzu ya bandi ngo yibe nta kabuza amategeko azabahana"

Uyu musore ukekwaho gutobora inzu y’umuturage akamwiba, afungiye kuri sitasiyo ya Polisi ya Musanze. mu gihe iperereza rikomeje.

Umusore uri mu kigero cy'imyaka 24 y'amavuko ukomoka mu Murenge wa Nyange mu Karere ka Musanze yafashwe nyuma yo kwiyoberanya akambara ikanzu akihindura nk'umugore, agatobora inzu y'umuturage akiba ibikoresho byiganjemo iby'ikoranabuhanga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .