Mu Buholandi habonetse inkota imaze imyaka 900

Yanditswe na Umutoni Rosine
Kuya 29 Ugushyingo 2020 saa 06:42
Yasuwe :
0 0

Mu gace kahariwe kuruhukira ka Het Klooster business park gaherereye mu mujyi wa Nieuwegein mu Buholandi, habonetse inkota imaze imyaka igera kuri 900 ikozwe.

Iyo nkota yavumbuwe muri Gicurasi uyu mwaka ubwo muri ako gace hacukurwaga ariko ubuyobozi bw’umujyi bwahisemo kubitangaza kuri uyu wa Gatanu.

Iyi nkota ya santimetero 118, bivugwa ko yakozwe hagati y’umwaka wa 1040 na 1260. Ni kimwe mu bikoresho bya kera byagaragaye mu matongo bidasanzwe.

Kuri iyo nkota, handitseho izina ry’uwayikoze, rigira riti “GICELIN ME FECIT” cyangwa se “Gicelin niwe wankoze”.

Bivuga ko iryo zina rishobora kuba ari iry’umucuzi wari ugezweho muri ibyo bihe iyo nkota yakorewe. Hari izindi nkota za kera zagiye zivumburwa ariko ubuyobozi bwa Nieuwegein bwatangaje ko nta yagaragaye imeze neza nk’iyo baherutse kuvumbura.

Iyo nkota bigaragara ko yakoreshejwe kuko yangiritse ku bugi ku buryo bigaragara ko yigeze kujyanwa mu ntambara.

Iyo nkota bivugwa ko imaze imyaka 900 ikozwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .