Louis Vuitton yakoze ’Face shield’ ifite agaciro k’asaga ibihumbi 900Frw

Yanditswe na Ishimwe Deborah
Kuya 12 Nzeri 2020 saa 10:29
Yasuwe :
0 0

Urugamba rwo kurwanya Covid-19 ntirukiri urw’inzego z’ubuzima n’inganda zisanzwe zikora ibikoresho byo kwa muganga kuko rwamaze kwinjirwamo n’inganda zikora imideli n’ibindi bikoresho by’umurimbo nka Louis Vuitton, Gucci, Armani, Bulgari na Prada.

Izi nganda zisanzwe zimenyereweho gukora ibintu by’agaciro, ubu zatangiye no gukora ibikoresho byifashishwa mu kwirinda icyorezo cya Covid-19, nk’ibirahure bitwikira mu maso bizwi nka ‘Face Shield’ udupfukamunwa n’umuti usukura intoki.

By’umwihariko muri Gicurasi Louis Vuitton yatanze udupukamunwa tugera ku 2500 ndetse ahakorerwaga imibavu yayo ihenze ihahindura aho gukorera umuti usukura intoki.

Kuri ubu iyi nzu y’imideli ya Louis Vuitton yatangaje ko igiye gushyira ku isoko ‘face shield’ ifite agaciro ka 961$.

Mu itangazo Louis Vuitton yashyize hanze yavuze ko ‘iki gikoresho gifite umwihariko wo kuba kigaragara neza kandi kigatanga n’uburinzi ku wacyambaye”.

Uretse kuba iki kirahure gipfuka mu maso cyarinda ucyambaye Covid-19, Louis Vuitton ivuga ko kinamurinda imirasire y’izuba cyane ko ibara ry’ikirahure rihinduka bitewe n’aho umuntu ari kandi kikaba gishobora no gukoreshwa nk’ingofero.

Kimwe nko ku bindi bikoresho bikorwa na Louis Vuitton, iyi Face Shield nayo ifite ibirango byayo.

Biteganyijwe ko iki gikoresho kizatangira kujya ku isoko ku wa 30 Ukwakira aho umuntu azajya abasha kukibona ahasanzwe hacururizwa ibicuruzwa bya Louis Vuitton.

Iyi 'Face Shield' ya Louis Vuitton izaba ifite agaciro k'asaga ibihumbi 900Frw

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .