Kenya: Umusirikare yafashwe ajugunya igisasu mu rugo rw’uwahoze ari umugore we

Yanditswe na Muhonzire Sylvine
Kuya 17 Mutarama 2021 saa 10:26
Yasuwe :
0 0

Urwego rushinzwe Ubugenzacyaha muri Kenya, DCI rwatangaje ko rwataye muri yombi umusirikare w’iki gihugu wafashwe atera igisasu cyo mu bwoko bwa gerenade mu rugo rw’uwahoze ari umugore we ruherereye mu gace ka Busia.

Uyu musirikare witwa Denis Ochieng, utuye mu gace ka Mandera mu birometero 943 uvuye Busia, bivugwa ko yateye gerenade muri uru rugo nyuma y’intonganya zabaye zishingiye ku gutwara abana be, akaba ariwe ubarera.

Uyu mugabo yabwiwe gucisha make agategereza sebukwe na nyirabukwe bakahagera maze bakabona gutangira ikiganiro nyir’izina cy’uzatwara abana hagati ye n’uwahoze ari umugore we.

Nyuma yo kubwirwa ibi ngo yahise agira umujinya, niko gukuramo gerenade yari afite mu ikote rya gisirikare yari yambaye, ayitera muri urwo rugo.

DCI yagize iti “Amaze kubona ko idaturitse,yahise asubira inyuma yiruka arayitoragura ayijugunya mu mugezi uri aho hafi.”

Umuturanyi wamubonye niwe wahagamaye polisi, iraza iramufata imushyikiriza ubugenzacyaha maze arafungwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .