Uyu mugabo witwa Reuben Kiborek yagejejwe imbere y’urukiko kuri uyu wa Kane. Ashinjwa ko umukobwa wa Minisitiri Simon Chelugui yamutwaye mu modoka akamujyana mu mujyi wa Nakuru, ari naho bikekwa ko yakoreye icyaha.

Reuben yatawe muri yombi ku wa 23 Ukuboza, yari afungiye kuri sitasiyo ya Polisi ya Bondeni.

Uyu mugabo yahakanye ibyaha aregwa, arekurwa atanze ingwate y’ibihumbi 300 by’Amashilingi ya Kenya kugira ngo akurikiranwe ari hanze.

Kiborek yaherukaga kwiyamamaza mu matora y’abadepite muri Kenya ahagarariye agace ka Mogotio, ariko yatsindiwe mu matora y’ibanze.

Yagizwe umunyamabanga wihariye wa Minisitiri Chelugui muri Gicurasi 2018. Ni umwe mu bantu bavuganira cyane Visi Perezida William Ruto.

Reuben Kiborek akurikiranyweho gusambanya umwana wa Minisitiri umukuriye