Muri Werurwe 2024 indege yo mu bwoko bwa Boeing 787 yabaye nk’inyerera mu kirere bitewe n’uko intebe y’umupilote yavuye mu mwanya wayo, bituma atabasha kugenzura neza indege bihungabanya abagenzi basaga 50.

Iyi mpanuka yabaye ku ndege yo mu bwoko bwa Boeing 787 ya sosiyete itwara abantu n’ibintu mu kirere, Latam Airlines, yavaga Sydney muri Australia yerekeza Auckland muri Nouvelle-Zélande.

Nyuma y’iyi mpanuka ikigo cya Boeing cyagejeje kuri FAA raporo zindi z’impanuka enye zifitanye isano n’intebe z’abapilote mu ndege za Boeing.

Itegeko ryo gusuzuma izi ndege ryatanzwe, rivuga ko hagomba gukorwa isuzuma ku ndege 158 zo mu bwoko bwa Boeing 787 Dreamliner zibaruwe muri Amerika ndetse n’izindi 737 zo hirya no hino ku isi.

Intebe z’abapilote mu ndege za Boeing 787 zigiye gusuzumwa nyuma yo guteza impanuka