Impamvu impyisi ikunze kwitwa inyamaswa y’ikinyabibiri

Yanditswe na Iradukunda Serge
Kuya 25 Gashyantare 2020 saa 11:48
Yasuwe :
0 0

Hashize imyaka myinshi gutandukanye Impyisi y’ingore n’iy’ingabo zo mu bwoko bwa ‘Spotted hyena’ byarabaye ihurizo kubera ko zose zifite imyanya ndangagitsina iteye kimwe akaba ari naho abenshi bahera bazita inyamaswa z’ibinyabibiri.

Kuwa 3 Ukwakira mu 2014 ikinyamakuru Dailymail cyasohoye inkuru ivuga ku kigo cyo mu Buyapani cyororerwamo kizwi nka ‘Maruyama Zoo’ nyuma y’uko abakozi bacyo bari bamaze imyaka ine bagerageza kubangurira impyisi y’ingabo ku ngabo ngenzi yayo.

Ibi aba bakozi ntibabitewe n’ubumenyi buke ahubwo byatewe n’uko aho bazikuye bari bababwiye ko babahaye impyisi y’ingabo n’iy’ingore nabo bakabifata gutyo.

Uru rujijo mu gutandukanya impyisi y’ingabo n’iy’ingore rukunze kubaho mu bakurikiranira hafi izi nyamaswa bikaba biterwa n’uko impyisi y’ingore ifite imyanya ndangagitsina imeze nk’igitsina cy’iy’ingabo hakaniyongeraho n’udusabo tw’intanga.

Ibi bisobanurwa neza na Sarah Benson-Amram umuhanga mu mibereho n’ubuzima bw’inyamaswa muri Kaminuza ya Wyoming.

Yagize ati “impyisi z’ingore zo mu bwoko bwa ‘spotted hyena’ zigira igitsina kirekire gisa neza nk’ik’iz’ingabo, iki gitsina cyiyongeraho n’udusabo tw’intanga”.

Sarah avuga ko n’igitsina cy’impyisi y’ingore gifite ubushobozi bwo guhagarara igihe yarinze (ishaka ingabo), ibintu bisanzwe bimenyerewe ku ngabo.

Ati “ingabo n’ingore iyo zihuye zose ibitsina byazo birahaguruka”

Umwarimu muri kaminuza ya Leta Michigan Kay Holekamp wamaze imyaka 10 yiga kubuzima bw’Impyisi zo muri Kenya, avuga ko kuba impyisi z’ingore zifite imyanya ndangagitsina imeze nk’iy’ingabo kandi ariyo zifashisha zibyara biri mu bituma inyinshi zibyaye bwa mbere zihasiga ubuzima kubera ko aba ari hato cyane kandi ibibwana ari binini.

Indi mpamvu iteza urujijo mu gutandukanya impyisi y’ingabo n’ingore ni uko no mu myitwarire Impyisi y’ingore igira imyitwarire isanzwe imenyerewe ku nyamaswa z’ingabo irimo kugira amahane, kugira imbaraga, kumenya guhiga ,kuyobora itsinda ndetse no kugira igihagararo kinini kurusha iy’ingabo.

Impyisi y'ingabo nta tandukaniro rinini riri hagati yayo n'ingore
Impyisi y'ingore yo mu bwoko bw'izitwa Spotted Hyena ntiwapfa kuyitandukanya n'ingabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .