00:00:00 IGIHE NETWORK KN KINYARWANDA EN ENGLISH FR FRANCAIS

Ikanzu yambawe muri Miss Vietnam 2022 yateje impagarara

Yanditswe na Manzi Angelo
Kuya 3 Mutarama 2023 saa 08:36
Yasuwe :

Abanya-Vietnam bariye karungu nyuma y’uko Pham Ngoc Phuong Anh wabaye igisonga cya Miss Vietnam mu 2020, agaragaye yambaye umwenda ubonerana.

Iyi kanzu ibonerana Phuong yayambaye mu itanga ry’amakamba muri Miss Vietnam 2022, ubwo yari agiye kwambika ikamba mugenzi we wabaye igisonga cya mbere.

Ni kanzu y’umuhondo ibonerana Miss Phuong Anh w’imyaka 24 yaserutse imbere yerekanaga ikibero cye kuwa 23 Ukuboza 2022.

Ntabwo byashimishije abakurikiranye ibyo birori kuko babifashe nko gutandukira ndetse igitutu gituma abateguye ayo marushanwa y’ubwiza basaba imbabazi.

Phuong na we yatangaje ko atewe isoni n’imyambarire yamuranze, kandi ko yahakuye isomo ku bijyanye n’imyambarire.

Umwe mu bakoresha Facebook yagize ati “Iyi myambarire ntabwo ikwiye no mu marushanwa y’ubwiza, ntabwo bigaragara neza kuri televiziyo agomba kurushaho kwitonda ubutaha. ”

Undi kuri Twitter yanditse ati: "Yambaye umubiri munsi, ntabwo yambaye imyenda y’imbere, bityo rero nta kintu mbona kidakwiriye hano,ndatekereza ababitegura aribo bagakwiye kubiryozwa kuko bafite ababireberera mbere y’uko biba"

Abateguye Miss Vietnam 2022 basabye imbabazi abari bateraniye aho ndetse n’abafana kubera ko batigeze bashobore gukumira ibyabareye mbere yabo.”

Phuong yiseguye ku babangamiwe n'ikanze yari yambaye, avuga ko yahakuye isomo
Uyu mukobwa yabaye igisonga cya Miss Vietnam 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .