00:00:00 IGIHE NETWORK KN KINYARWANDA EN ENGLISH FR FRANCAIS

Igikona gishobora kubara kugera kuri kane-Ubushakashatsi

Yanditswe na Innocent Dushimimana
Kuya 31 May 2024 saa 12:25
Yasuwe :

Mu gihe byari bizwi ko inyoni yitwa Kasuku ariyo ifite ubushobozi bwo kubara no kumva imibare, mu bushakashatsi bushya byagaragaye ko igikona nacyo gishobora kubara kugera kuri kane.

Ni mu bushakashatsi buyobowe n’itsinda ryabashakashatsi bafatanyije na Laboratwari y’inyamaswa ya kaminuza ya Tübingen mu Budage, bwagiye hanze tariki ya 29 Gicurasi 2024.

Uburyo igikona cyumvamo kikanasubizamo ntabwo bitandukanye n’uburyo umuntu abikoramo, bihura cyane n’uburyo abantu bakoresha, byose bitangira gutekereza no kubara vuba hagendewe ku kintu kiriho ako kanya cyangwa ibyo bibonye.

Ikintu gitangaje ku gikona n’uko cyo kibasha kubara nk’umwana muto ukiga kuvuga. Umwana w’igitambambuga abasha kubara asubiramo ibyo abwiwe ariko abireba imbere ye. Birashoboka ko washyira ibikinisho imbere ye ukamubwira kubibara agahera kuri rimwe akagera kuri gatatu.

Abakoze ubushakashatsi bagaragaje ko batoje ibikona bitatu icyo mu Burayi ndetse n’icyo muri Amerika bibasha kwiga ibintu birenga 160. Hifashishijwe amashusho mu kumenya uburyo bibasha kubara, bigaragaza ko bibishoboye kuva kuri 1-4.

Igikona n’ubwo cyakora amakosa mu mivugire yacyo ikindi kigira uburyo ki gihita kibikosora. Ntabwo ibara ry’izi nyoni rikorwa zisohora amajwi nk’ay’abantu, ahubwo zikoresha amajwi yazo ariko zikamenya ko zivuze umubare.

Ubusanzwe inyamaswa izifite ubushobozi bwo kubara ni nyinshi kuko usanga nk’inguge zibasha kubara imibare ikurikirana ikanasobanukirwa neza umumaro w’ibyo ibaze.

Si ibyo gusa kandi kuko n’igikeri cy’ikigabo nacyo kibasha kubara iyo kiri gushaka ikigore cyacyo. Kigira inshuro kivuga kibara kugirango bibashe guhura igihe byatandukanye.

Abahanga mu bya siyansi bavuze ko ibimonyo nabyo bisubira mu nzira zabyo bikoresheje kubara intambwe zabyo.

Igikona byagaragaye ko gishobora kubara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .