00:00:00 IGIHE NETWORK KN KINYARWANDA EN ENGLISH FR FRANCAIS

Ibyo wamenya kuri Darvaza, umwobo uhora wakamo umuriro

Yanditswe na Muyisenge Jean Felix
Kuya 22 July 2022 saa 10:09
Yasuwe :

Mu butayu bwa Karakum buherereye mu cyaro cya Darvaza, mu gihugu cya Turkmenistan mu bilometero bisaga 260 uvuye mu murwa mukuru Ashgabat, hacukutse umwobo mugari (Darvaza Gas Crater) ufite metero 69 z’ubugari na metero 30 mu bujyakuzimu.

Igitangaje si uyu mwobo gusa, ahubwo ni ikibatsi cy’umuriro utazima kimaze imyaka irenga 50. Umuriro uterwa n’imyuka yo mu kirere ihura na Gaz Methane ituruka muri uwo mwobo ubundi bikabyara ikibatsi cy’umuriro.

Urusaku n’ubushyuye budasanzwe buterwa n’iki kibatsi n’imiterere ya Darvaza Gas Crater, ni byo byatumye abahagereye n’abahageze bahitirira “amarembo ajya ikuzimu”.

Nubwo bigoye guhamya icyateye uyu mwobwo wa Darvaza Gas Crater, abantu batandukanye bagiye bavuga ko hacukutse mu 1971 bitewe n’impanuka yabaye ubwo abashakashatsi b’Abasoviyeti bageragezaga gushaka uko hacukurwa gaz na peteroli.

Hari n’andi makuru avuga ko inzobere mu by’ubucukuzi bwa gaz n’ibikomoka kuri peteroli zikomoka mu cyahoze ari Leta Zunze Ubumwe z’Abasoviyeti, batwitse aka gace kugira ngo bakumire gaz methane nke bari bahabonye, kugira ngo ntikomeze gukwirakwira.

Ngo ibi babikoze bazi ko mu minsi mike izaka igashira, birangira bigenze uko batabikekaga

Turkmenistan iherereye muri Aziya yo Hagati aho ihana imbibi na Kazakhstan, Uzbekistan na Iraq.

Iki gihugu cyahoze ari igice cya Leta Zunze Ubumwe z’abasoviyeti ubu kiza ku mwanya wa gatandatu mu bihugu bikungaheye ku mutungo kamere wa gaz ku Isi. Hafi 70% bya gaz gitunganya yoherezwa mu bihungu nk’u Bushinwa, u Burusiya na Iran.

Uyu mwobo waturutse ku mpanuka yabaye bari gucukura gaz
Darvaza Gas Crater ihora yaka umuriro kuva mu 1971
Abantu bamwe bajya baza kuhakorera ubukerarugendo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .