00:00:00 IGIHE NETWORK KN KINYARWANDA EN ENGLISH FR FRANCAIS

Menya ibibuga by’indege byakira abagenzi benshi ku Isi

Yanditswe na Mugisha Christian
Kuya 31 May 2022 saa 01:04
Yasuwe :

Raporo nshya ya ‘Airport Council International’ igaragaza ko mu mwaka wa 2021 mu bibuga by’indege 10 byakoreweho ingendo nyinshi kuruta ibindi ku Isi, umunani muri byo biri muri Leta Zunze Ubumwe za Amerika.

Nk’uko byatangajwe n’Umuryango ugizwe n’Ibigo Bigenzura Ibibuga by’indege, ugamije guhuza imikorere y’ibibuga by’indege, ACI, mu 2021 abakoreye ingendo zabo mu ndege basaga miliyari 4 aho 10% bingana n’abantu miliyoni 463 byabo, bakoreye ingendo zabo ku bibuga by’indege 10 byakoreshejwe cyane kuruta ibindi ku Isi.

Umunani muri ibyo bibuga by’indege biba muri Leta Zunze za Amerika , ibindi bibiri biba mu Bushinwa.

Nubwo ubwiyongere bw’abagenzi bakoresha indege mu 2021 bwazamutseho 51,8% ugereranije na 2020, buracyari hasi ho 29,1% ku mwaka wa 2019 kubera ingaruka za Covid-19.

Byitezwe ko mu mwaka wa 2022 abagenzi baziyongera ku kigero cyo hejuru kubera igabanuka ry’ikwirakwira ry’icyorezo cya Coronavirus.

Ikibuga cy’indege mpuzamahanga cya Orlando cyo muri Amerika kiri mu bibuga byazamutse ku rutonde ukurikije ubwinshi bw’abagenzi, aho cyavuye ku mwanya wa 27 mu 2020 kikagera ku mwanya wa 7 mu 2021.

Ubu bwiyongere bukaba bwaratewe n’uko iki kibuga cy’indege cyongeye gufungura ingendo mpuzamahanga mu bihugu nka Brésil n’u Bwongereza, aho abantu bagera kuri miliyoni ebyiri mu 2021 bagikoresheje, bingana n’ubwiyingere bwa 20.5% ugereranije no mu 2020.

Iyi nkuru igaragaza uko ibibuga by’indege bikurikirana ku rutonde rwa ‘ACI’ hashingiwe ku bagenzi bagiye bakoresha ibyo bibuga by’indege mu 2021.

10. Las Vegas Harry Reid International Airport

Umwaka ushize abagenzi hafi miliyoni 40 banyuze kuri iki kibuga cy’indege cya Las Vegas, aho ubwiyongere bw’abagenzi bwazamusteho 78.6% ugereranije n’umwaka wa 2020 ariko nanone bugabanukaho 23.1% ugereranije n’umwaka wa 2019.

Iki ibuga cy’indege gikunze gukoreshwa cyane mu bwikorezi bw’ibicuruzwa.

9. Chengdu Shuangliu International Airport

Ikibuga cy’indege cyo mu Bushinwa cya Chengdu cyakoreshejwe n’abagenzi barenga miliyoni 40. Bagabanyutseho 1.5% ugereranije no muri 2021 na 28.2% mu ugereranije no mu 2019.

Ikibuga cy’indege cya Chengdu cyizwiho gukoreshwa n’indege zo muri Aziya zirimo Air China, Chengdu Airlines, Sichuan Airlines, China Southern Airlines, China Eastern Airlines, Tibet Airlines, Lucky Air, na Shenzhen Airlines.

8. Guangzhou Baiyun International Airport

Iki kibuga cy’indege cya Guangzhou nacyo n’icyo mu Bushinwa kikaba cyakoreshejwe n’abagenzi basaga miliyoni 4 mu 2021. Abagenzi bagikoresha baragabanutse cyane ugereranije n’umwaka wa 2020 kuko bagabanyutseho 8% 45.1% ugereranije n’umwaka wa 2019.

Guangzhou ni ikibuga gikunze gukoreshwa n’indege zo mu Majyepfo yu Bushinwa zirimo 9 Air, FedEx Express, Shenzhen Airlines, na Hainan Airlines.

7. Orlando International Airport

Umwaka ushize ikibuga cy’indege cya Orlando cyatwaye abagenzi basaga miliyoni 40 bituma ubwiyongere bw’abagenzi bugera ku kigero cya 86.7% ariko bugabanukaho 20.3% ugereranije n’umwaka wa 2019.

6. Charlotte Douglas International Airport

Iki kibuga cy’indege cyakiriye abagenzi bagera kuri miliyoni 43 mu 2021. Ni ukuvuga biyongereyeho byibuze 59.2% ugereranije no muri 2020 ariko nanone bagabanukaho 13.4% ugereranije n’abagenzi bagikoresheje mu mwaka wa 2019.

Iki kibuga cy’indege cyateye imbere cyane ukurikije urutonde rw’ibibuga by’indege bikoreshwa cyane kuko cyavuye ku mwanya wa 34 muri 2019. Iki kibuga cy’indege cya Charlotte Douglas gikunze gukoreshwa n’indege za American Airlines.

5. Los Angeles International Airport

Ikibuga cy’indege cya Los Angeles cyakoreshejwe n’abagenzi miliyoni 48 mu 2021, akaba ari ubwiyongere bwa 66.8% ugereranije n’umwaka wa 2020.

Nubwo ubwinshi bw’aba bagenzi bwazamutse mu 2021 , bwagabanutse ku kigero cya 45.5% ugereranije n’umwaka wa 2019 ari nacyo kibuga cy’indege cyagabanutseho abagenzi ku kigero cyo hejuru ugereranije n’ibindi bihuriye ku rutonde.

Iki kibuga cy’indege ni ihuriro ry’indege zirimimo iza sosiyete Alaska Airlines, United Airlines, na Delta Air Line.

4. Chicago O’Hare International Airport

Ikibuga kinini cya Chicago O’Hare cyanyuzweho n’abagenzi barenga miliyoni 54 biyongera ku kigero cya 75.1% ku mwaka wa 2020. Icyakora, iki kibuga cy’indege abagenzi bagabanutseho 36.2% ugereranije n’umwaka wa 2019, bituma kiba icya kabiri cyatakaje abagenzi benshi mu bibuga biri ku rutonde muri uwo mwaka.

3. Denver International Airport

Abasaga miliyoni 59 nibo baciye kuri iki ibuga cy’indege cya Denver mu mwaka wa 2021 bituma ubwiyongere bw’abagenzi baca kuri iki kibuga bwiyongeraho 74.7% ugereranije n’umwaka wa 2021 ariko bugabanukaho 15% ku bagenzi bagikoresheje mu mwaka wa 2020.

2. Dallas/Fort worth International Airport

Kugeza ubu Dallas / Fort Worth ni ikibuga cy’indege cya kabiri muri Leta Zunze Ubumwe za Amerika cyakiriye abagenzi benshi mu 2021 aho abagenzi bagera kuri miliyoni 63 banyuze kuri iki kibuga.

Ni ubwiyongere bwa 58.7% ku bagikoresheje mu 2020, bugabanukaho 16.8% ugereranije n’umwaka wa 2019.

1. Hartsfield-Jackson Atlanta International Airport

Ikibuga cy’indege kiza ku isonga mu kunyurwaho n’abagenzi benshi mu mwaka wa 2021 ni Hartsfield-Jackson Atlanta nyuma yo guhigika ikibuga cya Guangzhou mu Bushinwa cyari gifite uyu mwanya mu 2020.

Iki kibuga cyakiriye abagenzi barenga barenga miliyoni 75 mu 2021, bituma biyongera ku kigero cya 76.4% ugereranyije na 2020.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .