Ku wa 15 Werurwe ubwo Perezida Kenyatta yajyaga aho akorera gutangaza uko Coronavirus ihagaze muri Kenya, yagaragaye ari mu modoka ya Benz ifite Plaque icuritse.

Kuba buri kimwe perezida akora gifatwa nk’igifite igisobanuro cyihariye byatumye uku kugaragara mu modoka ifite Plaque icuritse kwa Kenyatta abantu batangira kugusobanura mu buryo butandukanye.

Uwitwa Captain Dominic Omondi abinyujije ku rubuga rwa Twitter yageregeje gusobanura impamvu y’ibi, avuga ko ari ibintu bikorwa igihe imodoka ya Perezida idafite ibendera cyangwa bigakorwa igihe Perezida afite amakuru agiye gutangaza atari meza.

Reasons Why Uhuru drove in a vehicle with an Upside Down Number plate.
-It's a Standard procedure, When the Presidential vehicle has no flag.
-It's a Standard procedure,
Indicating that the head of state is not carrying good news.
Don't criticise everything!!#coronaviruskenya pic.twitter.com/L4m4fLf0rF

— Captain Dominic Omondi. (@CaptainDominicO) March 16, 2020

Ubu butumwa bwa Omondi bwakuruye impaka ndede mu bamukurikira ndetse bamwe batangira kubikoramo urwenya nk’aho uwitwa Guru Voke yagize ati “Natekerezaga ko yashakaga kujijisha Coronavirus”.

I thought alikua anataka kuchanganya coronavirus

— Guru Voke 🇰🇪 (@guru_voke) March 16, 2020

Jay Alpha we yagize ati “ Muvandi ningura imodoka yanjye nshobora gucurika Plaque ndamutse ntafite amakuru meza”.

Bro so when I'll buy my own car naweza invert plates hivo kama sina good news

— Son (@JayAlpha15) March 16, 2020

Ni ibintu abantu bakomeje kugarukaho cyane ku mbuga nkoranyambaga bamwe bagaragaza ko ari ukwibeshya kwabayeho, abandi bakavuga ko bifite igisobanuro cyihariye.

Gusa aya makuru ashingiye ku marangamutima yaje guhagarara ubwo ikinyamakuru Nairobi News cyashyiraga hanze inkuru ivuga ko uku kugaragara kwa Perezida Kenyatta mu modoka ifite plaque icuritse byaturutse ku makosa, ko ntakindi gisobanuro cyihariye bifite.

Iki kinyamakuru kivuga ko aya makuru cyayahawe n’Umuyobozi Mukuru utaravuzwe umwirondoro we aho yagize ati “nta hantu na hamwe mu mategeko ya gisirikare, plaque icuritse yagize icyo ivugwaho, ibyabaye byari amakosa kandi ni nayo mpamvu byakosowe bikigaragara”.

Uyu muyobozi avuga ko iyo biza kuba bifite igisobanuro cyihariye na Plaque y’inyuma yari kuza gucurikwa nk’uko byari bimeze ku iy’imbere.

Plaque y'imbere ku modoka Perezida Kenyatta yajemo yari icuritse