00:00:00 IGIHE NETWORK KN KINYARWANDA EN ENGLISH FR FRANCAIS

Hagaragajwe ingaruka z’urumogi ku bushobozi n’imikorere y’ubwonko bwa muntu

Yanditswe na Mugisha Christian
Kuya 23 January 2022 saa 09:09
Yasuwe :

Ushobora kuba ubinywa, ushobora kuba ubyitera mu inshinge, ushobora kuba ubihumeka ariko ingaruka ni zimwe.

Ababikoresha bavuga ko zimwe mu impamvu babikoresha harimo gushaka ibitotsi, kwiyibagiza ibibazo, gushaka ibyishimo, abandi bakabikora mu ikigare. ariko uko bikoreshejwe nabi byangiza ubwonko.

Marijuana cyangwa urumogi ni kimwe mu biyobyabwenge byangiza imikorere y’ubwonko, ubushobozi bwo gufata icyemezo gihamye bukagabanuka, kudakemura ibibazo bitandukanye nkuko bikwiye ndetse n’ibindi bisaba ubwonko gutekereza byihuse.

Ubushakashatsi bushya bwasohotse mu kinyamakuru Addiction, bugaragaza ko gukoresha ibiyobyabwenge nk’urumogi ku kigero kiri hejuru byangiza imitekerereze ya muntu.

Gukoresha urumogi bituma ubikoresha agira ibibazo byo kwibagirwa, ubushake buke bwo gukora ibikorwa bimwe na bimwe. Ibi bigira ingaruka ku buzima bwa buri munsi.

Dr, Alexandre Dumais, umwarimu w’ubuvuzi bw’indwara zo mu mutwe muri kaminuza ya Montreal, akaba umwe mu bakoze ubushakashatsi, yavuze ko gukoresha urumogi bituma umuntu agira ibibazo byo gushyira umutima kubyo ari gukora (concentration), kwibagirwa ndetse no kunanirwa gufata mu mutwe ibyo wabwiwe.

Nko ku rubyiruko, kwiga birananirana, ku bakozi umusaruro mu kazi ukagabanyuka, ku batwara imodoka bakaba bakora impanuka cyane.

Icyakora ubushakashatsi bugaragaza ko ingaruka mbi ku bwonko zakoroha cyangwa zikagabanyuka mu gihe ukoresha urumogi abihagaritse. Ariko nanone bigaterwa n’ingano yafashe n’igihe amaze arukoresha.

Inzobere zagaragajwe ko kunywa urumogi bigira ingaruka ku bushobozi bw'ubwonko no ku mitekerereze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .