00:00:00 IGIHE NETWORK KN KINYARWANDA EN ENGLISH FR FRANCAIS

Colombia: Ibice bye by’ibanga byagiye ahabona mu isiganwa bituma aba uwa nyuma

Yanditswe na Mugisha Christian
Kuya 6 August 2022 saa 04:02
Yasuwe :

Umutaliyani w’imyaka 18 ukina imikino ngororamubiri yahuye n’ikibazo ubwo yari mu isiganwa ry’amaguru rya metero 400 mu marushanwa Mpuzamahanga y’Imikino Ngororamubiri y’abataregeje imyaka 20 ‘World Athletics U20 Championships’ yabereye mu Mujyi wa Cali muri Colombia bimuviramo kuba uwa nyuma.

Ubwo yatangiraga isiganwa, Alberto Nonino, yari afite ingufu nyinshi anyura kuri babiri yinjira mu gikundi cya mbere agerageza guhatanira intsinzi.

Ibintu byaje guhinduka nyuma yo gutangira kumva abangamiwe hagati mu maguru ye akubiseho ijisho abona ibice by’ibanga bye biri ahabona.

Camera zo ku kibuga zafashe Nonino areba hasi ku ikabutura asanga ubugabo bwe buri hanze abasaga ibihumbi by’abafana bari aho ndetse n’abari mu rugo bari bamaze kubibona.

Yakomeje guhatana mu marushanwa ariko abangamiwe n’ukuboko kwe kwagendaga guhishe ubugabo bwe.

Ikibazo cyakomeje kumukomerana bituma agabanya umuvuduko yisanga mu ba nyuma.

Byabaye ngombwa ko aba uwa nyuma mu marushanwa ubwo yemeraga guhagarara kugira ngo yongere yambare neza.

Nyuma gato y’amasiganwa Alberto Nonino yanditse ku rukuta rwe rwa Instagram ko hari abari kumwoherereza ubutumwa bwinshi ngo bashaka kuvugana nawe ku byabaye biri mu bitangazamakuru.

Alberto Nonino ari ku mwanya wa 986 ku Isi mu mukino w’abagabo wo gusimbuka intera ndende uzwi nka ‘Men’s Long Jump’.

Alberto Nonino yirukankaga afashe hagati y'amaguru kuko ikabutura ye yari yacitse
Alberto Nonino ari ku mwanya wa 986 ku Isi mu mukino w’abagabo wo gusimbuka intera ndende

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .