Ang Rita Sherpa waciye agahigo mu kurira umusozi wa Everest yapfuye

Yanditswe na Iradukunda Serge
Kuya 22 Nzeri 2020 saa 09:17
Yasuwe :
0 0

Umunya-Nepal, Ang Rita Sherpa wamenyekanye cyane nyuma yo guca agahigo ko kuba umuntu wa mbere wuriye umusozi muremure ku Isi wa Everst inshuro 10, yitabye Imana kuri uyu wa 21 Nzeri azize uburwayi bw’ubwonko n’umwijima yari amaranye igihe.

Uyu mugabo w’imyaka 72 yari yarahawe akabyiniriro k’Ingwe yo mu rubura, kubera ubuhanga buhambaye yagaragaje mu kurira imisozi hagati yo mu 1983 na 1996.

Uwahoze ari umuyobozi w’ihuriro ry’abantu bazamuka imisozi muri Nepal, Ang Tshering, yavuze ko iki gihugu gihombye umuntu ukomeye mu bijyanye no kuzamuka imisozi.

Ati “Yari icyamamare mu kuzamuka imisozi, urupfu rwe ni igihombo gikomeye ku gihugu no ku muryango mugari w’abazamuka imisozi.”

Umwuzukuru w’uyu mugabo, Phurba Tshering, yavuze ko sekuru yaguye mu rugo rwe ndetse ko imihango yo kumushyingura itaganyijwe kubera mu murwa mukuru wa Nepal, Kathmandu, mu gace kazwi nka Sherpa Gomba.

Ang Rita Sherpa wamenyekanye cyane mu kurira umusozi wa Everest yapfuye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .