Amateka ya Abade, umugore wa mbere watwaye indege muri Afurika

Yanditswe na Sekamana Mathias
Kuya 24 Kanama 2019 saa 10:13
Yasuwe :
0 0

Asli Hassan Abade ni we mugore wabonye uruhushya rwo gutwara indege mu muri Afurika. Yarubonye mu 1970, aza gukora urugendo rwa mbere wenyine mu 1976.

Abade yavutse mu 1958, ahitwa Jijiga muri Ethiopia, ariko ababyeyi bakomokaga muri Somalia.

Yakuriye mu mujyi wa Mogadishu, abana n’ababyeyi be n’abavandimwe icyenda. Umuhate yakuranye niwo watumye aba umupilote wa mbere w’igitsina gore wabayeho muri Afurika.

Umuryango yavukaga mo ntabwo wari wifashije. Yababazwaga kenshi no kubona basaza be ari abanebwe cyane ku buryo mama wabo yabavunikiraga baramaze gukura.

Ibyo ni bimwe mu byatumye akura yumva yakora imirimo yose, hamwe n’iy’abahungu kugira ngo abone mama we aruhuka, atari kuvunikira abantu bamaze gukura.

Nyuma yo kubona ubwigenge mu 1960, Somalia yatangiye kubaka igisirikare gikomeye kirimo n’umutwe ushinzwe kurwanira mu kirere ari nawo Abade yaje kwinjiramo.

Mu 1969, igisirikare cya Somalia cyari kiyobowe na Said Barre cyafashe ubutegetsi gihiritse Sheikh Mukhtar Mohamed Hussein hahita hatangira kubakwa igihugu kigendera ku matwara ya gisosiyalisite.

Igisirikare cyahise gitangira kohereza abasirikare kwiga kugurutsa indege mu bihugu birimo Leta Zunze Ubumwe za Amerika, u Bwongerereza, Leta zunze ubumwe z’Abasoviyeti n’u Butaliyani.

Asli Abade yagiye kwiga gutwara indege mu Butaliyani, avuyeyo agaruka mu gihugu cye ahita yinjira mu mutwe w’ingabo zirwanira mu kirere.Mu 1967 nibwo yatangiye gutwara indege za gisirikare.

Nyuma y’imyaka icumi mu gisirikare yaje kujya gutura muri Leta zunze ubumwe za Amerika, muri Leta ya Texas aho umugabo we yakomokaga.

Mu 2011, Asli yagarutse i Mogadishu aje gutanga imiti ku bitaro by’abana Forlanini (Lazaretto) Children’s Hospital.

Kubera iterabwoba ryari ryarakajije umurego muri Mogadishu, ntiyabashije kuhamara umwanya kuko yamaze amasaha 24 yonyine muri uwo mujyi.

Abade yababazwaga kenshi no kubona basaza be ari abanebwe cyane ku buryo mama wabo yabavunikiraga baramaze gukura
Abade ni we mugore wabonye uruhushya rwo gutwara indege mu muri Afurika. Yarubonye mu 1970, aza gukora urugendo rwa mbere wenyine mu 1976

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza