Mu bihugu bimwe na bimwe, bamwe mu bana banyura mu nzira zigoranye cyane kugira ngo bagere ku mashuri yabo. Amafoto yashyizwe ku rubuga pulptastic.com agaragaza uburyo bamwe mu banyeshuri bo mu bihugu nk’u Bushinwa, u Buhinde, Colombia, Indonesia n’ibindi, babayeho mu buzima bugoranye cyane cyane mu gihe bagana ku ishuri.

Amwe muri aya mafoto yashyizwe ahagaragara yagize akamaro kuko hari uduce tumwe na tumwe twatabawe hubakwa amashuri hafi ndetse n’ahandi hubakwa ibiraro bikomeye hanakorwa inzira ziboneye kugira ngo hirindwe impanuka zikaze zari zarashitanye benshi mu bana bajyaga gushaka ubumwenyi mu mashuri banyuze ahantu hagoranye.

Mu misozi yo mu gace ka Gulu mu Bushinwa, aba bana bibafata amasaha atanu kugira ngo bagere ku ishuri banyura mu nzira zihanamye

Mu gace ka Zhang Jiawan mu Majyepfo y'u Bushinwa, aba banyeshuri burira urwego buri munsi iyo bagiye ku ishuri

Mu gace kitwa Lebak muri Indonesia, aba banyeshuri banyura ku kiraro cyangiritse ku buryo unyereye agwa mu mugezi

Nyuma yo kumva inkuru y'aba bana, uruganda rwo muri Indonesia rwitwa PT Krakatau Steel rwatanze inkunga rwubaka ikiraro gishya

Ku mugezi Rio Negro muri Colombia, uyu mwana anyura ku mugozi wa metero 400 wambukiranya imisozi ibiri kugira ngo agere aho yiga

Aba banyeshuri bo muri Indonesia baragashya kugira ngo bagere ku ishuri mu gace kitwa Riau

Abakobwa bambutswa ku giti rw'urukuta rwo mu kinyejana cya 16 muri Sri Lanka

Mu mujyi wa Delhi mu Buhinde, aba bana bahekwa ari benshi ku igara rikururwa n'indogobe

Mu mudugudu wa Cilangkap muri Indonesia, abana bambukira ku biti by'imigano byateranyijwe bikorwamo ikimeze nk'ubwato

Mu misozi yitwa Pili mu Bushinwa, aba bana bahura n'ingorane mu kunyura ahadashobotse

Ku mugezi witwa Padang, mu gace ka Sumatra muri Indonesia, abanyeshuri bambuka banyuze ku migozi

Mu ntara ya Rizal muri Philippines, aba bana bajya ku ishuri buri munsi bifashishije igipine (chambre à air)