Abashakashatsi babashije kugarura ijwi ry’umuntu umaze imyaka 3000 apfuye

Yanditswe na Iradukunda Serge
Kuya 24 Mutarama 2020 saa 09:36
Yasuwe :
0 0

Itsinda ry’abashakashatsi bakomoka mu Bwongereza no Budage bifashishije ikoranabuhanga babasha kugarura ijwi ry’umupadiri w’Umunyamisiri witwa Nesyamun umaze imyaka 3000 apfuye.

Ibi aba bashakashatsi babigezeho nyuma yo gukoresha ikoranabuhanga ryo gufotora ibice by’umubiri wa Nesyamun bigira uruhare mu gukora ijwi birimo icyitwa Larynx ubundi bakora ibindi karemano bisa neza n’ibya Nesyamun.

Bamaze gukora ibice karemano bisa neza n’ibyo yahoranye babishyize mu buryo bwa 3D babasha kumva agace gato k’ijwi rye.

Kuba umubiri wa Nesyamun warumishijwe kandi ukabikwa neza biri mu byatumye ubu bushakashatsi bugera ku ntego kuko zimwe mu nyama zo mu nzira ijwi rikorerwamo zirimo n’iz’umuhogo zari zikiri mu mwanya wazo kandi zitarangirika.

Umwe mu bakoze ubu bushakashatsi, David Howard yavuze ko icyo bakoze ari gusohora ijwi rigendeye ku miterere y’uko umuhongo n’ibindi bice bikora ijwi bya Nesyamun basanze bimeze.

Ati “si ijwi rye yaba yaravuze mu bikorwa bye kuko nta gifite ingano y’ururimi rwe y’umwimerere”

Howard yongeyeho ko mu gihe bazaba bagize ubushobozi bashobora no kugarura ijwi rye avuga interuro yuzuye anaririmba.

Ati “Birashoboka ko twatuma atanga amajwi atandukanye ndetse tugatangira kugarura bimwe mu byo yagiye aririmba bya nyabyo. Birashoboka n’ubwo ubu tudashobora kubikora bitworoheye”

Iri koranabuhanga Howard yagiye aryifashisha mu kugarura amajwi y’abantu bazima harimo nirye bwite, gusa ni ubwa mbere rikoresheje mu kugarura ijwi ry’umuntu wapfuye.

Aba bashakashatsi bavuze ko iri jwi babashije gukurura atari ryo ry’umwimerere nyakwigendera yavugaga kuko inyama zo mu kanwa zigira uruhare mu ikorwa ry’ijwi umuntu avuga zamaze kugabanuka mu ngano.

Nesyamun mbere y’uko apfa muri 50 yari umupadiri mu rusengero rwa Amun rwahoze ruri ahitwa Thebes ( ubu hitwa Luxor), umubiri we ukaba waragiye wifashishwa mu bushakashatsi butandukanye by’umwihariko ubugamije kumenya imibereho y’Abanyamisiri ba kera.

Hifashishijwe umurambo w'umupadiri wa kera wo mu Misiri hakorwa ijwi rijye kumera nk'iryo yavugaga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza