00:00:00 IGIHE NETWORK KN KINYARWANDA EN ENGLISH FR FRANCAIS

Urukiko rwa Danemark rwemeje ko Mbarushimana yoherezwa mu Rwanda

Yanditswe na

Noël Turikumwe

Kuya 22 November 2012 saa 08:50
Yasuwe :

Urukiko rwa Roskilde muri Danemark ku wa 19 Ugushyingo rwemeje kohereza mu Rwanda Mbarushimana Emmanuel, ushinjwa Jenoside yakorewe abatutsi bari bahungiye ku musozi wa Kabuye n’abandi baguye kuri bariyeri zitandukanye mu1994.
Inkuru ya the NewTimes ivuga ko Mbarushimana w’imyaka 50 atigeze yishimira icyemezo yafatiwe, we n’umwunganira bakavuga ko bazajurira kuko ngo koherezwa mu Rwanda byabangamira ubuzima bwe.
Iki cyemezo inkiko zo muri Danemark zagifashe nyuma yo gutesha agaciro (...)

Urukiko rwa Roskilde muri Danemark ku wa 19 Ugushyingo rwemeje kohereza mu Rwanda Mbarushimana Emmanuel, ushinjwa Jenoside yakorewe abatutsi bari bahungiye ku musozi wa Kabuye n’abandi baguye kuri bariyeri zitandukanye mu1994.

Inkuru ya the NewTimes ivuga ko Mbarushimana w’imyaka 50 atigeze yishimira icyemezo yafatiwe, we n’umwunganira bakavuga ko bazajurira kuko ngo koherezwa mu Rwanda byabangamira ubuzima bwe.

Iki cyemezo inkiko zo muri Danemark zagifashe nyuma yo gutesha agaciro impungenge z’uwamwunganiraga mu mategeko Bjon Elmquis, wavugaga ko ageze mu Rwanda yakwicwa.

Mbarushimana Emmanuel na Bjørn Elmquis umwunganira nyuma yo kumva imyanzuro y’urukiko bahise batangaza ko bagiye kujurira mu rukiko rw’ikirenga, na rwo rwabyanga ngo bakaziyambaza Urukiko mpuzamahanga rw’Uburenganzira bw’Ikiremwamuntu.

Amwe mu mateka y’uru rubanza

Muri 2008 Inkiko z’u Rwanda zamukatiye igifungo cya burundu adahari nyuma yo kumuhamya ibyaha bya Jenoside.

Hashize imyaka ibiri yatawe muri yombi n’igipolisi cya Denmark ngo ashyikirizwe inkiko ku busabe bw’u Rwanda.

Urukiko rw’Umujyi wa Roskilde ndetse n’Urukiko Rukuru rwo mu Burasirazuba muri iki gihugu, zanzuye ko abashinjacyaha batagomba kumukurikiranaho ibyaha bya Jenoside kuko bitaba mu mategeko yabo ahana, ahubwo ko agomba gukurikiranwaho ibyaha by’ubwicanyi gusa.

Iyo myanzuro yaje guteshwa agaciro n’Urukiko rw’Ikirenga, rwemeza ko agomba kuburanishwa ku byaha bya Jenoside ariko agakurikiranwa n’inkiko za Denmark aho kuzanwa mu Rwanda.

U Rwanda rwamaganye iyi myanzuro ivuga ko Mbarushimana yakurikiranirwa mu gihugu yakoreyemo ibyaha. Nyuma y’ibiganiro hagati ya minisiteri z’ubutabera z’ibihugu byombi ni bwo hafashwe icyemezo cyo kumwohereza mu Rwanda nyuma y’ingendo z’abayobozi ba Denmark bashakisha amakuru y’abatangabuhamya ku rubanza rwa Mbarushimana.

Mbarushimasna Emmanuel yabaye Umugenzuzi w’amashuri muri perefegitura ya Butare, ashinjwa ubwicanyi bwakorewe abatutsi bari bahungiye ku musozi wa Kabuye. Yabaye muri Denmark kuva mu mwaka wa 2001, afungirwa muri gereza ya polisi ya Denmark nyuma yo gufatirwa mu nzu ye mu mwaka wa 2010.

Bikaba biteganyijwe ko urubanza rw’ubujurire bwe mu Rukiko rw’Ikirenga kuri iki cyemezo ruzaburanishwa muri Gashyantare na Werurwe umwaka utaha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .