Umunyamategeko akaba anaburanira abandi mu nkiko Jean Rugendo afunzwe akekwaho guhimba imyanzuro y’urubanza, abeshya ko Urukiko rwisumbuye rwa Nyarugenge rwaciye urubanza rwemeza ko uwo yaburaniraga Oscar Kajanagye ari we watsinze urubanza rw’isambu yaburanaga.

Umwanditsi mukuru w’Urukiko rwa Nyarugenge Stanislas Sibomana yatangarije ikinyamakuru The New Times ko mu cyumweru gishize Kajanagye yageze ku rukiko afite imyanzuro y’urubanza aje gusaba ko yashyirwaho umukono ngo yemererwe kurangirizwa urubanza, bikaza kugaragara ko iyo myanzuro ari impimbano.

Sibomana yongeraho ko izo nyandiko mpimbano byagaragaraga ko zasinywe tariki ya 10 Kanama zigasinywa n’uwahoze ari Umwanditsi mukuru w’urwo rukiko, nyamara nawe afunze azira guhimbahimba inyandiko z’urukiko.

Sibomana yatangarije ikinyamakuru The New Times ati:” Cleophas Twagirayezu wahoze ari umwanditsi w’urukiko mu matariki ya 10 Kanama yarafunzwe, igihe Kajanagye yazanaga izo mpapuro twahise duhamagara polisi imuta muri yombi arafungwa ariko nyuma yaje kurekurwa kuko ntacyo yarazi kw’ihimbwa ry’izo nyandiko”
Atanga ubuhamya imbere y’urukiko Kajanagye yavuze ko Rugendo yamuhaye inyandiko amubwira ko ariwe watsinze urubanza.

Mu gihe ategereje icibwa ry’urubanza urukiko rwasabye ko Rugendo yaba afunzwe mu gihe cy’iminsi 30
Mu myaka itatu ishize Rugendo yari yongeye gufatwa aza kurekurwa mu karere ka Muhanga nabwo azira amakosa yo mu manza.

Inkuru ya The New Times