00:00:00 IGIHE NETWORK KN KINYARWANDA EN ENGLISH FR FRANCAIS

Nyanza: Hatangijwe urugamba rwo kongera ibiti

Yanditswe na

Deus Ntakirutimana

Kuya 17 Ugushyingo 2012 saa 09:53
Yasuwe :

Mu gutangiza igihembwe cyo gutera ibiti n’amashyamba 2012-2013 byabereye mu murenge wa Rwabicuma ku wa 16 Ugushyingo 2012, abanyarwanda basabwe gukangukira gahunda yo kwita no gukomeza gutera ibiti kuko bifitiye buri wese akamaro.
Umuyobozi w’Akarere ka Nyanza Murenzi Abdallah yavuze ko urebye aka karere kadafite ibiti bihagije, kuko amashyamba ari ku buso busatira 10% mu gihe hasabwa nibura 30%.
Aka karere ngo karateganya gutera ibiti kuri hegitari 941 nk’uko kabihigiye uyu mwaka, (...)

Mu gutangiza igihembwe cyo gutera ibiti n’amashyamba 2012-2013 byabereye mu murenge wa Rwabicuma ku wa 16 Ugushyingo 2012, abanyarwanda basabwe gukangukira gahunda yo kwita no gukomeza gutera ibiti kuko bifitiye buri wese akamaro.

Umuyobozi w’Akarere ka Nyanza Murenzi Abdallah yavuze ko urebye aka karere kadafite ibiti bihagije, kuko amashyamba ari ku buso busatira 10% mu gihe hasabwa nibura 30%.

Aka karere ngo karateganya gutera ibiti kuri hegitari 941 nk’uko kabihigiye uyu mwaka, hakazaterwa ibiti bigera ku bihumbi 500 bishobora kuba miliyoni imwe n’ibihumbi 800 bafatanyije n’abafatanyabikorwa.

Minisitiri w’umutungo kamere, Stanislas Kamanzi yasabye abaturage gusobanukirwa akamaro ko gutera ibiti harimo kuba bifata ubutaka ntibutwarwe n’isuri mu gihe ubutaka ari umutungo kamere utunze abanyarwanda benshi. Ikindi ni ugukurura imvura no kuyungurura umwuka abantu bahumeka.

Minisitiri Kamanzi yakanguriye abaturage kandi kudatera ibiti nk’inturusu zonyine ahubwo bagakangukira gutera ibivangwa n’imyaka, kandi bagatera imigano byagaragaye ko itangiza imyaka ikaba inakorwamo ibikoresho byinshi bihenze.

Bamwe mu baturage batuye mu murenge wa Rwabicuma ahatangirijwe iki gikorwa ku bufatanye n’umuryango IFDC,Umuryango mpuzamahanga wita ku buhinzi, batangarije IGIHE ko biri mu nyungu zabo kwita ku biti byatewe no gutera ibindi kuko badashaka ko umurenge wabo wongera kuba agasi nkuko byahoze mbere utaritabwaho ngo ukorerwe amaterasi.

Iki gikorwa cyakozwe ku buso bwa hegitari zigera kuri 24. Rwanda rufite intego ko ubuso bungana na 30% bwaba buteyeho ibiti mu gihe imibare ikiri kuri 24%.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .