00:00:00 IGIHE NETWORK KN KINYARWANDA EN ENGLISH FR FRANCAIS

Miss Rwanda 2012 azitabira igikorwa cyo gufasha abana b’impfubyi

Yanditswe na

Emmanuel Kanamugire

Kuya 22 November 2012 saa 09:10
Yasuwe :

Umutesi Aurore, Nyampinga w’u Rwanda 2012, azitabira igikorwa cyo gukusanya inkunga igenewe gufasha abana b’imfubyi barera abandi kizabera ku Kimihurura kuri “Car Wash Grill” na “Sport Bar” tariki ya 08 Ukuboza uyu mwaka.
Aba bana b’impfubyi barera bagenzi babo batuye mu mudugudu wa Uyisenga N’imanzi uherereye muri Niboye mu Karere ka Kicukiro kuva mu mwaka wa 2004.
Amakuru dukesha The New Times avuga ko abanyamakuru Jeanne de Chantal Mugabushaka uzwi ku izina rya Eminente na Umurerwa Evelyne (...)

Umutesi Aurore, Nyampinga w’u Rwanda 2012, azitabira igikorwa cyo gukusanya inkunga igenewe gufasha abana b’imfubyi barera abandi kizabera ku Kimihurura kuri “Car Wash Grill” na “Sport Bar” tariki ya 08 Ukuboza uyu mwaka.

Aba bana b’impfubyi barera bagenzi babo batuye mu mudugudu wa Uyisenga N’imanzi uherereye muri Niboye mu Karere ka Kicukiro kuva mu mwaka wa 2004.

Amakuru dukesha The New Times avuga ko abanyamakuru Jeanne de Chantal Mugabushaka uzwi ku izina rya Eminente na Umurerwa Evelyne bari mu bateguye iki gikorwa.

Mu kiganiro gitegura iki gikorwa, Mugabushaka yahamagariye ibigo bitandukanye, abanyacyubahiro n’abandi bafite umutima w’urukundo kuzagishyigikira.

Gukusanya iyo nkunga bizatangira saa yine za mu gitondo birangire saa cyenda z’umugoroba. Bimwe mu bikorwa bizagaragaramo ni ukoza imodoka ku mafaranga y’u Rwanda ibihumbi 10, no gukora igitaramo aho umuntu wese uzinjira azishyura ibihumbi bibiri by’amafaranga y’u Rwanda.

Za resitora nka Meze Fresh, Stone House, Mr Chips, ikinamba cy’imodoka “Car Wash Grill” na Sports Bar bizatera icyo gikorwa inkunga y’ibiribwa n’ibinyobwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .